काठमाडौं । मध्यपूर्वमा जारी तनावकाबीच इरानी राष्ट्रपति मसूद पेजेश्कियानले आफ्नो देशको सर्वोच्च प्राथमिकता राष्ट्रिय सुरक्षा र जनताको शान्ति रहेको जनाएका छन् ।
सामाजिक सञ्जालमा लेख्दै उनले इरानले दृढतापूर्वक आफ्नो अधिकारको रक्षा गर्ने र कुनै पनि खतराको सामना गर्दा पछि नहट्ने जनाएका हुन् ।
‘कूटनीति र रक्षा राष्ट्रिय शक्तिका दुई पाङ्ग्रा हुन्, हामीले न त मैदान त्यागेका छौँ न त वार्ताको टेबल ।’ उनले ट्वीटरमा लेखेका छन् ।
राष्ट्रपति पेजेश्कियानले देशको शक्ति रक्षामा मात्र नभई संवादमा पनि निहित रहेको उल्लेख गरेका छन् । उनका अनुसार इरानले न त आफ्नो रक्षा तयारी त्यागेको छ न त वार्ताको ढोका बन्द गरेको छ ।
