काठमाडौं । नेपाल लाइफ इन्स्योरेन्सले अहिलेसम्मकै सबैभन्दा धेरै बोनस बीमितलाई दिने भएको छ । नेपाल बिमा प्राधिकरणको स्विकृती लिएर कम्पनीले प्रतिहजार बिमालेख बराबर अधिकतम ८५ रुपैयाँसम्म बोनस दिने भएको हो ।
कम्पनीले न्यूनतम ५० रुपैयाँदेखि अधिकतम ८५ रुपैयाँसम्म बोनसदर कायम गरेको छ । कम्पनीले सावधिक जीवन बिमालेखमा ६० रुपैयाँ देखी ८२ रुपैयाँ दिने भएको हो ।
बिमालेखको अवधिअनुसार १० वर्षसम्म, ११ वर्षदेखि १५ वर्षसम्म र १६ वर्षदेखि २० वर्षसम्मका लागि प्रतिहजार बिमालेख बराबर ६० रुपैयाँ बोनस तोकेको हो । २६ देखि ३० वर्ष र ३० वर्ष देखि माथिका सबै बिमालेखमा भने कम्पनीले ८२ रुपैयाँ बोनस दिने कम्पनी जानकारी दिएको छ ।
यस्तै सावधिक जीवन बिमालेख अन्र्तगत नौलो केटाकेटी जीवन बिमामा कम्पनीले न्यूनतम ६५ रुपैयाँ देखि अधिकतम ८२ रुपैयाँसम्म बोनस दिने भएको छ ।
१० वर्ष, ११ देखि १५ वर्ष र १५ देखि २० वर्ष अवधिका बिमालेखमा ६५ रुपैयाँ र २१ वर्ष देखि २५ वर्षसम्मका बिमालेखमा ७२ रुपैयाँ बोनसदर कायम गरेको हो । यस्तै २६ वर्ष देखि ३० वर्ष र ३० वर्षभन्दा माथि अवधि भएका बीमालेखमा भने ८२ रुपैयाँ बोनस दिनेभएको छ ।
कम्पनीले सावधिक जीवन बीमालेख अन्तर्गतकै जीवन समुन्नत बीमालेखमा भने न्युनतम ५६ रुपैयाँदेखि अधिकतम ७० रुपैयाँसम्म र सावधिक तथा आजीवन बीमालेखमा ६० देखि ८२ रुपैयाँसम्मको बोनस दिनेभएको छ ।
अग्रिम भुक्तानी सावधिक बीमालेखमा र धन वर्षा(१५ र २० का बीमालेखमा भने कम्पनीले ५० रुपैयाँ बोनसदर कायम गरेको छ।
अन्य समूह अन्तर्गतका जीवन सारथी बीमामा भने कम्पनीले अधिकतम ६२ रुपैयाँ देखि ८५ रुपैयाँसम्मको बोनसदर कायम गरेको छ ।

काठमाडौं । माछापुच्छ्रे बैंकले बाग्मती, कर्णाली र सुदुरपश्चिम प्रदेशका विभिन्न सरकारी विद्यालयहरुलाई आवश्यक पूर्वाधार निर्माणमा सघाउने भएको छ ।
यसैक्रममा बैंकले कर्णाली प्रदेशको सुर्खेत जिल्ला स्थित शारदा न.पा.वडा नं. १५, माल्नेटामा रहेको त्रिभुवन जन माध्यामिक विद्यालयमा खानेपानी सुविधाको लागि आवश्यक पूर्वाधार निर्माण गर्न र सुदूरपश्चिम प्रदेशको कैलाली जिल्ला गोदावरी नपा वडा नं.०६, बडेहाँ स्थित शैलेश्वरी उच्च माध्यामिक विद्यालय परिसरमा शौचालय निर्माण गर्न दुबै विद्यालयसँग सम्झौता पत्रमा हस्ताक्षर गरेको छ ।
त्यसैगरी बाग्मती प्रदेशको कामनपा वडा नं. ४ लम्टङ्गीन स्थित पञ्चकन्या आधारभुत विद्यालयलाई आवश्यक सभाहलको निर्माण गर्नै सम्झौतामा हस्ताक्षर गरेको छ ।
विद्यालय संचालनका लागि अति आवश्यक पर्ने खानेपानी तथा शौचालयको असुविधाका कारण पठनपाठनमा समेत समस्या भईरहेको जानकारी पाए पश्चात बैंकले उक्त दुई सरकारी विद्यालयहरुको अवस्था अवलोकन गरी उक्त पूर्वाधारहरु निर्माण गर्ने निर्णय गरेको हो ।
२८९ जना विद्यार्थी एंव १८ जना शिक्षक÷कर्मचारी कार्यरत त्रिभुवन जनमाध्यमिक विद्यालयले ३५०० मिटर टाढा रहेको मुहानबाट अस्थायी रुपमा पानीको पाईप जडान गरि खानेपानीको व्यवस्था गर्दै आएकोमा खडेरीको समयमा पानी सुक्ने, डढेलो लागेको बेलामा पानीको पाईप जलेर आपूर्ती बन्द हुने लगायतका समस्या भोगिरहेको छ भने १८०० भन्दा बढि विद्यार्थी र ३५ जना शिक्षक, कर्मचारी कार्यरत शैलेश्वरी उच्च माध्यामिक विद्यालयमा भएको अस्थायी शौचालयको अवस्था निक्कै नै खराव रहेको हुदाँ विद्यार्थी एंव शिक्षकहरुले समस्या भोगिरहनु परेको छ ।
विद्यालयको पुर्वाधार निर्माण गर्ने सम्बन्धि सम्झौता पत्रमा सम्बन्धित विद्यालय व्यवस्थापन समितिको तर्फबाट अध्यक्ष तथा बैंकको तर्फबाट प्रमुख कार्यकारी अधिकृ तसन्तोष कोइरालाले हस्ताक्षर गरेका थिए । सम्झौता बमोजिम बैंकले त्रिभुवन जन माध्यामिक विद्यालय परिसरमा खानेपानी सुविधाको लागि आवश्यक पूर्वाधार र शैलेश्वरी उच्च माध्यामिक विद्यालय परिसरमा शौचालय निर्माण गरी हस्तान्तरण गर्नेछ ।
यसैगरी काठमाडौं महानगरपालिकाको नमुना विद्यालयको वर्गिकरणमा परेको पञ्चकन्या आधारभूत विद्यालयमा आवश्यक सभाहलको अभावका कारण विभिन्न शैक्षिक कार्यक्रमहरुको आयोजनामा समस्या देखिएको भन्दै सभाहल निर्माणमा सघाउन आएको आग्रह अनुसार बैंकले उक्त स्कुलमा सभाहलको निर्माण गर्नै निणर्य गरेको हो ।
बैंकले आफ्नो संस्थागत सामाजिक उत्तरदायित्व अन्तर्गत देशका विभिन्न स्थानहरुमा विभिन्न संघसंस्थाहरुसंग मिलेर स्वास्थ्य, शिक्षा, पूर्वाधार निर्माण, वित्तिय साक्षरता, दिगो विकास लगायतका क्षेत्रहरुमा काम गर्दै आएको छ ।

काठमाडौं । नेपाल लाइफ इन्स्योरेन्सले नयाँ बोनस दर सार्वजनिक गरेको छ । कम्पनीले आर्थिक वर्ष २०७८, ७९सम्मको जीवन बीमा कोषको बीमाङ्कीय मूल्याङ्कनका आधारमा नयाँ बोनस दर सार्वजनिक गरेको जानकारी दिएको छ ।
कम्पनीले जारी गरेको विभिन्न बीमा योजनामा न्यूनतम प्रतिहजार ५० रुपियाँदेखि अधिकतम प्रतिहजार ८५ रुपियाँसम्म बोनस दर कायम गरेको हो । कम्पनीको आर्थिक वर्ष २०७८, ७९को बीमा कोषको बीमांकीय मूल्यांकक प्रतिवेदन बीमा प्राधिकरणबाट माघ ३ गते स्वीकृत भई बीमालेखमा नयाँ बोनस दर कायम हुने गरी सार्वजनिक गरेको हो ।
सावधिक जीवन बीमालेख सुरक्षित जीवन, जीवन ज्योति, ग्रामिण सावधिक, सावधिक लघु, केटाकेटी, सुनिश्चित भविष्य तथा शिक्षा जीवन बीमा, जीवन लक्ष्मी, अनमोल जीवन, जीवन उदय एकल० बीमालेखमा ० देखि १० वर्ष अवधिको प्रतिहजार ६० रुपियाँ, ११ देखि १५ वर्ष अवधिको ६० रुपियाँ, १६ देखि २० वर्ष अवधिको ६० रुपियाँ, २१ देखि २५ वर्ष अवधिको ७० रुपियाँ, २६ वर्षदेखि ३० वर्षको ८२ रुपियाँ र ३० वर्षभन्दा माथि अवधिको ८२ रुपियाँ बानेस दर निर्धारण गरिएको छ ।
त्यसैगरी, सावधिक जीवन बीमालेख नौलो सुरक्षित, नौलो केटाकेटी जीवन बीमा० योजनामा न्यूनतम ६५ रुपियाँदेखि अधिकतम ८२ रुपियाँ बोनस दर निर्धारण गरिएको कम्पनीले जनाएको छ ।
सावधिक जीवन (जीवन समुन्नत) बीमालेखमा प्रतिहजारमा न्यूनतम ५६ रुपियाँदेखि अधिकतम ७० रुपियाँ बोनस दर तोकेको छ ।
सावधिक तथा आजीवन (जीवन साहारा) बीमायोजनामा प्रतिहजारमा न्यूनतम ६० रुपियाँदेखि अधिकतम ८२ रुपियाँ बोनस दर निर्धारण गरेको छ ।
कम्पनीले अग्रिम भुक्तानी (जीवन समृद्धि) बीमा योजनाको १५ र २० वर्षे अवधिको प्रतिहजार ५० रुपियाँ बोनस दर तोकेको छ । साथसाथै, अग्रिम भुक्तानी सावधिक (धन वर्षा–१५, धन वर्षा–२०, नौलो जीवन समृद्धि, नौलो धन वर्षा, जीवन उन्नति, छोराछोरी र सदाबहार जीवन) बीमा योजनामा सबै अवधिका लागि प्रतिहजार ५० रुपियाँ बोनस दर तोकेको छ ।
अन्य (जीवन सारथी) बीमा योजनामा कम्पनीले न्यूनतम ६१ रुपियाँदेखि अधिकतम ८५ रुपियाँ बोनस दर निर्धारण गरेको छ ।
कम्पनीले घोषणा गरेको बोनस दर मृत्युदाबी, पूर्ण वा आंशिक अवधि भुक्तानी दाबी, समर्पण मूल्य दाबी, चुक्ता मूल्य दाबी तथा चालू बीमालेखमा समेत लागू हुनेछ । साथै कम्पनीको आगामी बीमांकीय मूल्यांकन नभएसम्म सोही बोनस दर लागू हुने पनि कम्पनीले जानकारी दिएको छ ।

काठमाडौं । चन्द्रागिरी हिल्स लिमिटेडको संस्थापक शेयर, स्थानीय बासिन्दा र कर्मचारीलाई बाँडफाँट गरेको शेयरको ‘लक इन’ अवधि आजबाट सकिएको छ ।
लक इन अवधि सकिएसँगै होल्ड गरिएको शेयर कारोबारका लागि योग्य भएको छ । तर सञ्चालक समितिमा रहेका तथा उच्च व्यवस्थापन तहमा रहेका कर्मचारीहरुले भने शेयर खरिदबिक्री गर्न पाउने छैनन् ।
कम्पनीले सर्वसाधारणका लागि २०७७ माघ ९ गते शेयर बाँडफाँट गरेको थियो ।