काठमाडौं । नेपाल लाइफ इन्स्योरेन्स कम्पनी लिमिटेडले रजत जयन्तीको अवसरमा ल्याएको विशेष बीमा पुनर्जागरण योजनामा थप छुटको व्यवस्था गरेको छ। कम्पनीले बीमितहरूको मागलाई मध्यनजर गर्दै वैशाख १७ गतेदेखि योजना परिमार्जन गरी बाँकी अवधि जेठ ५ गतेसम्म लागू हुने जनाएको हो।
यसअघि १८० दिनभन्दा बढी समयदेखि व्यतित बीमालेखलाई नवीकरण गर्दा बिलम्ब शुल्कमा छुट दिने व्यवस्था गरिएको थियो। अब भने ५ वर्षभन्दा बढी समयदेखि निष्क्रिय रहेका बीमालेखहरूमा पनि थप छुट प्रदान गरिएको छ।
विभिन्न बीमा योजनामा ५ वर्षसम्म व्यतित बीमालेख नविकरण गर्दा बिलम्ब शुल्कमा १०० प्रतिशतसम्म छुट दिइनेछ भने केही अन्य योजनाहरूमा सोही अवधिमा ५० प्रतिशत छुट लागू हुनेछ। साथै ५ वर्षभन्दा बढी समयदेखि व्यतित बीमालेखहरूमा २५ प्रतिशत छुटको व्यवस्था गरिएको कम्पनीले जनाएको छ।
कम्पनीले छुट सुविधा लिएका बीमालेखहरू निश्चित अवधिभित्र समर्पण (सरेण्डर) गरेमा दिइएको छुट रकम कट्टा गरिने जनाएको छ। १०० प्रतिशत छुट पाएका बीमालेख ३ वर्षभित्र र ५० तथा २५ प्रतिशत छुट पाएका बीमालेख २ वर्षभित्र समर्पण गरेमा सो सुविधा फिर्ता हुने व्यवस्था गरिएको हो।
योजना अन्तर्गत छुट प्राप्त गर्न बीमालेख कम्तीमा १८० दिन व्यतित भएको हुनु पर्नेछ र पुनर्जागरण मितिदेखि बीमा समाप्ति मितिसम्म कम्तीमा १ वर्ष बाँकी हुनु पर्नेछ। साथै एकपटक छुट लिइसकेपछि सोही बीमालेखमा पुनः यस्तो सुविधा नदिइने पनि कम्पनीले जनाएको छ।

काठमाडौं । नबिल बैंक लिमिटेडले तीनधारास्थित केन्द्रीय कार्यालयमा नबिल नर्सिङ रुमको सुरुवात गरेको छ । बिहीबार आयोजित उद्घाटन कार्यक्रममा बैंकका अध्यक्ष निर्वाण चौधरी तथा प्रमुख कार्यकारी अधिकृत मनोजकुमार ज्ञवालीको उपस्थितीमा संचालक समितिका सदस्य सरिता भट्ट अधिकारीद्वारा रिबन काटी उद्घाटन गरिएको थियो ।
उक्त कार्यक्रममा बैंकका संचालक समिति सदस्यहरु अन्नत पौड्याल, प्रविन टिबडेवाला र अनिल केशरी शाह लगायत नायब प्रमुख कार्यकारी अधिकृतद्वय आदर्श बजगाईं र भुपेन्द्र पाण्डेका साथै अन्य उच्चपदस्थ कर्मचारीहरुको समेत उपस्थिति रहेको थियो ।
कर्मचारीको हितलाई उच्च महत्व दिँदै आएको नबिल बैंकले बैंकमा कार्यरत कर्मचारी आमाहरुलाई स्तनपान गराउन सहज बनाउने उद्देश्यले नर्सिङ रुमको स्थापना गरेको हो । नर्सिङ रुमले कर्मचारीहरुलाई कार्यालय समयमा मर्यादित, आरामदायी र सुरक्षित रुपमा स्तनपान गराउने वातावरण बनाउने बैंकले विश्वास लिएको छ ।
‘यस कक्षको थालनी मार्फत हामीले हाम्रो कर्मचारीप्रतिको जिम्मेवारी पुरा गरेका हौं। यसले कर्मचारी आमाहरुलाई कार्यालयभित्र आफ्नो बच्चासँग सुरक्षित छु भन्ने महशुस गराउने छ,’ संचालक समितिका सदस्य सरिता भट्ट अधिकारीले जनाईन ।
उद्धाटन कार्यक्रममा बोल्दै नबिल बैंकका अध्यक्ष निर्वाण चौधरीले नर्सिङ रुम बैंकको तर्फबाट एउटा राम्रो सुरुवात भएको जनाए । ‘लैङ्गिक समानता, कर्मचारीको हित नबिल बैकका प्रमुख मान्यता भित्र पर्दछन् र आज सुरु भएको यो कक्षले हाम्रा ती मुल्यमान्यताहरुलाई प्रतिबिम्बित गर्छ,’ अध्यक्ष चौधरीले भने।
‘हेर्दा सानो देखिए पनि यस कदमले हाम्रो कर्मचारीहरुलाई सकारात्मक असर पार्नेछ र यो कक्ष हाललाई केन्द्रिय कार्यालयमा मात्र भएपनि आउने दिनमा अरु शाखाहरुमा पनि विस्तार गर्दै लगिने छ,’ उनले थपे ।
यसप्रकारका प्रयासमार्फत नबिल बैंकले आफ्ना कर्मचारीका ख्याल राख्नुका साथै सहयोग गर्ने वातावरणलाई बढावा दिइरहेको प्रमुख कार्यकारी अधिकृत ज्ञवालीको भनाइ छ ।
नबिल बैंकले देशभर २६८ शाखा सञ्जालसहित ३१८ एटिएम मेसिनबाट सेवा प्रदान गर्दै आएको छ । बैंकले २५ लाखभन्दा बढी ग्राहकलाई बैंकिङ सेवा प्रदान गर्दै आफ्ना सबै सरोकारवालासँग मिलेर सँगै अघि बढ्ने विश्वास राखेको छ । चार दशकदेखि गुणस्तरीय बैंकिङ सेवा प्रदान गर्दै आएको बैंकले पछिल्लो समयमा दिगो बैंकिङको अवधारणालाई आत्मसाथ गर्दै डिजिटल बैंकिङका लागि एनबैंक सञ्चालनमा ल्याएको छ ।