काठमाडौं । वाणिज्य बैंकले फागुन महिनाका लागि ब्याजदर सार्वजनिक गरेका छन् । १८ वाणिज्य बैंकले प्रकाशित गरेको सूचनाअनुसार व्यक्तिगत मुद्दती निक्षेपमा यी बैंकहरुको औसत ब्याजदर ०.३९ प्रतिशत विन्दुले घटेको छ ।
माघ महिनामा ८.११ प्रतिशत विन्दु रहेको व्यक्तिगत मुद्दती निक्षेपमा बैंकहरुको औसत ब्याजदर, फागुनमा घटेर ७.७१ प्रतिशत विन्दुमा सीमित भएको छ ।
त्यसैगरी, संस्थागत मुद्दती निक्षेपमा पनि बैंकहरुको औसत ब्याजदर ०.३८६५ प्रतिशत विन्दुले घटेको छ ।
फागुन महिनाका लागि सर्वाधिक ब्याजदर कृषि विकास बैंकले घटाएको छ । माघ महिनामा व्यक्तिगत मुद्दतीमा ७.२६ प्रतिशत ब्याज दिएको बैंकले फागुनमा भने अधिकतम ६.४४३ प्रतिशत ब्याज दिने भएको छ । साथै, व्यक्तिगत मुद्दती निक्षेपको ब्याजदर ०.८१ प्रतिशत विन्दुले घटाएको पनि बैंकले जनाएको छ ।
फागुन महिनामा हिमालयन बैंक, एभरेष्ट बैंक, लक्ष्मी सनराइज बैंक र माछापुच्छ्रे बैंकले भने माघ महिनाकै ब्याजदरलाई निरन्तरता दिएका छन् ।

काठमाडौं । चालू आर्थिक वर्षको दोस्रो त्रैमासमा एनएलजी इन्स्योरेन्सको खुद नाफा बढेको छ । समीक्षा अवधिमा कम्पनीले ८ करोड ७५ लाख रुपियाँ खुद नाफा कमाएको छ । गत आवको सोही अवधिमा यस्तो नाफा ५ करोड ६८ लाख रुपियाँ नाफा कमाएको थियो । यो गत आवको सोही अवधिको तुलनामा ५३.९६ प्रतिशतले बढी हो ।
त्यसैगरी, कम्पनीको खुद बीमाशुल्क आम्दानी ६.०४ प्रतिशतले बढेर ३१ करोड ३५ लाख रुपियाँ पुगेको छ । त्यस्तै, लगानी तथा कर्जा आम्दानी ६.८३ प्रतिशतले बढेको छ भने बीमा कोषको आकार ३६.६१ प्रतिशतले बढेर २ अर्ब ८९ करोड रुपियाँ पुगेको छ ।
चुक्ता पुँजी १ अर्ब ४५ करोड ९२ लाख रुपियाँ रहेको रिटेन्ड अर्निङमा १२ करोड ८० लाख रुपियाँ रहेको छ ।
कम्पनीको खुद नाफा बढेसँगै प्रतिशेयर आम्दानी पनि बढेको छ । चालू आवको पुस मसान्तसम्ममा प्रतिशेयर आम्दानी ७.७९ रुपियाँबाट बढेर १२ रुपियाँ पुगेको छ भने प्रतिशेयर नेटवर्थ २१४.५६ रुपियाँ छ ।

काठमाडौं । सानिमा रिलायन्स लाइफ इन्स्योरेन्सको खुद नाफा ९६.४८ प्रतिशतले बढेको छ । चालू आवको दोस्रो त्रैमाससम्म कम्पनीको खुद नाफा ९६.४८ प्रतिशतले बढेर २१ करोड ९७ लाख ३० हजार रुपियाँ पुगेको छ । गत आवको सोही अवधिमा कम्पनीले ११ करोड १८ लाख ३५ हजार रुपियाँ खुद नाफा कमाएको थियो ।
त्यसैगरी, समीक्षा अवधिमा कम्पनीकोे खुद बीमाशुल्क आर्जन १३७.०५ प्रतिशतले बढेर २ अर्ब ६२ करोड ६ लाख १३ हजार रुपियाँ पुगेको छ । गत आवको सोही अवधिमा १ अर्ब १० करोड ५४ लाख ९७ हजार रुपैयाँ खुद बिमा शुल्क आर्जन गरेको थियो ।
त्यस्तै, लगानी तथा कर्जाबाट हुने आम्दानी १६६.४१ प्रतिशतले बढेर ७४ करोड ४५ लाख ५६ हजार रुपियाँ पुगेको छ ।
दोस्रो त्रैमासमा ४ अर्ब १८ करोड ४० लाख रुपियाँ चुक्ता पुँजी रहेको कम्पनीको प्रतिशेयर आम्दानी १०.५० रुपियाँ र प्रतिशेयर नेटवर्थ १२५.४४ रुपियाँ छ । कुल आम्दानी ३ अर्ब ४० करोड छ भने कुल खर्च ३ अर्ब १८ करोड छ ।