काठमाडौं । नबिल बैंक लिमिटेडका ग्राहकले हेयर एण्ड शान्ति युनिसेक्स सलुनले दिने सेवा तथा सुविधा लिँदा छुट पाउने भएका छन् । यस्तो छुट उपलब्ध गराउने सवालमा बैंक र हेयर एण्ड शान्ति बिच समझदारी गरिएको हो ।
समझदारी पत्रमा नबिल बैंकका तर्फबाट रिटेल ट्रान्जेक्सन विभागका प्रमुख निरज शर्मा र हेयर एण्ड शान्तिका युनिसेक्स सलुनकी संचालक बिनीता बुढाथोकीले हस्ताक्षर गरेका हुन् ।
नबिल बैंक नेपालको एक अग्रणी वाणिज्य बैंक हो भने हेयर एण्ड शान्ति केश सज्जा र सौन्दर्यमा सेवा दिँदै आएको निजी क्षेत्रको अग्रणी कम्पनी हो ।
समझदारी अनुसार बैंकका ग्राहकले नबिल बैंकको डेबिट कार्ड, क्रेडिट कार्ड, प्रायोरिती कार्ड, एन बैंक वा बैंक ट्रान्सफर मार्फत भुक्तानी गर्दा १० प्रतिशत छुट प्राप्ति हुनेछ । यस्तो छुट हेयर कट, कलरिङ, केराटिनजस्ता केश सज्जाका सेवा तथा मेनिक्योर–पेडिक्योर, नेल आर्टलगायत अनुहार र सौन्दर्य लगायत सम्पूर्ण सेवामा उपलब्ध हुने उल्लेख गरिएको छ ।
नबिल बैंक र हेयर एण्ड शान्तिबीच भएको समझदारीले नबिल बैंकका ग्राहकलाई सहुलियत मूल्यमा सौन्दर्यमा सेवा लिन सहयोग पुग्नेछ । बैंकले देशभर २६७ शाखा सञ्जालसहित २२ वटा एक्सटेन्सन काउन्टर र ३१३ एटिएम मेसिनबाट सेवा प्रदान गर्दे आएको छ । नबिल बैंकले १८ लाखभन्दा बढी ग्राहकलाई बैंकिङ सेवा प्रदान गर्दै आइरहेको जनाएको छ ।

काठमाडौं । पेट्रोल र डिजेलको मूल्य प्रतिलिटर २ रुपैयाँका दरले बढेको छ । नेपाल आयल निगमले शुक्रबार विहान १ बजेदेखि लागू हुनेगरी इन्धनको मूल्यबृद्धि गरेको छ ।
नयाँ मूल्य अनुसार काठडमाडौैं उपत्यकामा शुक्रबार विहानदेखि नै पेट्रोल प्रतिलिटर १७२ रुपैयाँ र डिजेल तथा मट्टितेल १६० रुपैयाँ पर्ने भएको छ । निगमले अहिले उपत्यकामा बिक्री गदै आएको मूल्य पेट्रोल १७० र डिजेल १५६ प्रतिलिटर छ ।
नेपाल आयल निगमले स्वचालित मूल्य अनुसार भारतीय आयल निगमबाट मूल्य बढेर आउँदा बढाउने र घट्दा घटाउने गरेको छ ।
निगमलाई भारतले पठाएको पछिल्लो मूल्य सूची अनुसार पेट्रोलमा १ रुपैयाँ ८३ पैसा र डिजेलमा १ रुपैयाँ ५६ पैसा बढेर आएकोले सोही मूल्यको अनुपातमा निगमले ग्यास बाहेकमा मूल्य बृद्धि गरेको हो । ग्यासमा भने नयाँ मूल्य सूची अनुसार मूल्यबृद्धि भएको छैन्