काठमाण्डौ । शेयर बजारमा उच्च अंकको पहिरो गएको छ । नेपाल स्टक एक्सचेञ्ज लिमिटेड (नेप्से) का अनुसार आज बजार ७०.३१ अंकको पहिरो गएको हो । ३.३८ प्रतिशतले बजार घट्दा नेप्से २००७.६९ अंकमा ओर्लिएको छ ।
आज ३१६ कम्पनीका १ करोड १४ लाख ६७ हजार ५ सय ९९ कित्ता शेयर किनबेच हुँदा ४ अर्ब ११ करोड ३६ लाख ७६ हजार ९ सय ५८.०२ रुपियाँ बराबरको कारोबार भएको हो ।
समग्रमा बजार घटे पनि सबैभन्दा बढी गुराँस लघुवित्तका लगानीकर्ताहरुले ८.७३ प्रतिशतले नाफा कमाए । ७० कम्पनीका लगानीकर्ताले नाफा कमाए भने बाँकीको शेयर मूल्य घट्यो ।
यसैक्रममा बोटलर्स नेपाल बालाजु, जोशी हाइड्रो, बोटलर्स नेपाल तराई, प्रभु इन्स्योरेन्स र बीपीडब्लू लघुवित्तका लगानीकर्ताहरुले क्रमशः १०, ९.९९, ९.४५, ८.६४ र ८.३१ प्रतिशतले घाटा व्यहोरे ।
आज सोनापुर मिनिरल्सको उच्च कारोबार भयो । उक्त कम्पनीको ४१ करोड ९१ लख २२ हजार ७ सय ३५.४० रुपियाँ बराबरको कारोबार भएको नेप्सेले जानकारी दिएको छ ।
साताको पहिलो दिन आइतबार बजार ११.७८ अंकले घट्दा २ अर्ब ८ करोड २७ लाख ८६ हजार ८९.०८ रुपियाँ र हिजो सोमबार ११७.७० अंकले बजार बढेको थियो ।

काठमाडौं । नयाँ सरकार गठनको गृहकार्यसँगै लगानीकर्ता उत्साहित देखिएका छन् । नयाँ सत्तासमीकरणको चर्चासँगै सेयर बजारमा उछाल देखिएको हो । सोमबार कारोबार भएको एक घण्टामै सेयर बजार मापक नेप्से परिसूचक ६ प्रतिशतले बढेर तेस्रोपटक ‘सर्किट ब्रेक’ लाग्यो ।
साताको दोस्रो कारोबार दिन नेप्से एक घण्टा चार मिनेटको बीचमा पाँच मिनेट मात्र कारोबार भएर बन्द भयो । कारोबार सुरु भएको पहिलो घण्टा अर्थात् ११ देखि १२ बजेको बीचमा ४, दोस्रो घण्टा अर्थात् १२ देखि १ बजेको बीचमा ५ र त्यसपछि ६ प्रतिशतले घटे वा बढे सर्किट ब्रेक लाग्ने व्यवस्था छ । सो व्यवस्थाअनुसार तेस्रोपटक सर्किट ब्रेक लागेर आजलाई कारोबार बन्द भएको हो ।
यस दिन नेप्से ११७.७० अर्थात् ६ प्रतिशतले बढेर २०७८.०० को विन्दुमा पुग्यो । बिहान ११ बजे कारोबार सुरु भएको थियो । बिहान ११ः०३ मा ४.४ प्रतिशतले बढेर २० मिनेट कारोबार रोकिएको थियो । बिहान ११ः२३ मा पुनः कारोबार सुरु भयो । बिहान ११ः२४ मा ५।०३ प्रतिशतले बढेर दोस्रोपटक ‘सर्किट ब्रेक’ लागेर ४० मिनेटका निम्ति कारोबार रोकिएको थियो ।
त्यसपछि मध्याह्न १२ः०४ मा कारोबार सुरु भएको थियो । ६ प्रशितले बढेर पुनः कारोबार बन्द भएको नेपाल स्टक एक्सचेन्जले जानकारी दिएको छ ।