काठमाडौँ । आइएमई लिमिटेड र सहकारी संस्थालाई प्रविधिमैत्री बनाइरहेको कम्पनी एम बैंकबीच विदेशबाट पठाएको रकम अब सिधै सहकारीको खातामा जम्मा गर्न सकिने विषयमा सम्झौता भएको छ ।
सम्झौतासँगै एम बैंकमा आबद्ध सहकारीका सदस्यहरूले आइएमई रेमिटेन्स मार्फत पठाएको पैसा सिधै आफ्नो खातामा जम्मा गर्नसक्ने भएका छन् । यसरी मोबाइल बैंकिङ तथा भुक्तानी प्लेटफर्म ‘एम बैंक’ मार्फत सहकारीका सदस्यहरूले सिधै आफ्नो खातामा पैसा जम्मा गर्न सक्नेछन् ।
आइएमई लिमिटेड र एम बैंक टेक्नोलोजी प्रालिबीच रेमिटेन्स बापत पठाएको रकम सिधै जम्मा गर्न सकिने सम्झौता भएको हो । आइएमईको तर्फबाट प्रमुख कार्यकारी अधिकृत खिलेन्द्र पौडेल र एम बैंक टेक्नोलोजीका संस्थापक तथा प्रबन्ध निर्देशक सञ्जय महासेठले सम्झौतामा संयुक्त रुपमा हस्ताक्षर गरेका छन् ।
एम बैकंले नेपालभरका करिब ५ सय सहकारी संस्थालाई मोबाइल बैकिङ तथा भुक्तानी प्लेटफर्म प्रदान गरिरहेको छ । एम बैंकसँग आबद्ध सहकारीहरूले रेमिटेन्सको रकम सिधै आफ्नो सहकारीको खातामा प्राप्त गर्न सक्नेछन् । मोबाइलबाटै आफ्नै सहकारीको खातामा रेमिटेन्स रकमको भुक्तानी लिन सकिने यस व्यवस्थाले धेरै सदस्यहरू लाभान्वित हुने विश्वास एम बैंकले लिएको प्रमुख महासेठले जानकारी दिए ।
शुक्रबार ९ औँ वर्षमा प्रवेश गरेको एम बैंक सहकारी क्षेत्रमा लोकप्रिय मोबाइल बैंकिङ तथा भुक्तानी प्लेटफर्म कम्पनी हो । स्थापना दिवसकै अवसरमा आइएमईसँग सहकार्य गरी रेमिटेन्स सेवालाई सुरुवात गरिएको एम बैंकले जानकारी दिएको छ ।
यसबाहेक एम बैंक मार्फत सहकारीका सदस्यलाई आफ्नो खातामा रहेको ब्यालेन्स ट्रान्सफर गर्न, ब्यालेन्स चेक गर्न, स्टेटमेन्ट हेर्न, लोनको जानकारी लिन, फोन, नेट, टिभी, रिचार्ज गर्ने, डिजिटल वालेट लोड गर्न सकिने, बिजुलीको बिल, खानेपानी बिल भुक्तानी गर्ने, बस तथा हवाई टिकट, होटेल बुक गर्न, क्यु आर भुक्तानी गर्ने, विभिन्न सरकारी सेवाको भुक्तानी गर्ने लगायतका अन्य विभिन्न सेवाहरू सहजै लिन सक्ने सुविधा पनि छ ।

काठमाडौं । ग्लोबल आइएमई बैंक लिमिटेडको डेबिट तथा क्रेडिट कार्डबाहकहरुलाई र्याडिसन होटल काठमाडौँमा १५ प्रतिशतसम्म छुट प्रदान गर्ने संझौता भएको छ ।
उक्त समझदारीमा ग्लोबल आइएमई बैंकका चिफ मार्केटिङ्ग अफिसर दिलिप पोखरेल र र्याडिसन होटल काठमाडौँका निर्देशक केदार पाण्डेले हस्ताक्षर गरेका छन ।
समझदारी अनुसार बैंकको डेबिट र क्रेडिट कार्डवाहकहरुले र्याडिसन होटल काठमाडौँमा उपलब्ध सेवामा १५ प्रतिशतसम्म छुट प्राप्त गर्नेछन् ।
बैंकका ग्राहकहरुले ¥याडिसन होटल काठमाडौँमा उपलब्ध सेवामध्ये खाना, पेस्ट्री सप, तथा ट्रानक्युलिटी स्पाका साथै ¥याडिसन होटल काठमाडौँले संचालन गरेको एयरपोर्ट रेस्टुरेन्टहरुबाट पनि उपलब्ध हुने सेवाहरुमा उल्लेखित छुट पाउने छन् ।
ग्राहकवर्गको सुविधालाई मध्यनजर गरी बैंकले विभिन्न संघ–संस्थाहरुसँग समन्वय गरी यस्ता किसिमका योजनाहरु ल्याएर ग्राहकहरुलाई प्रत्यक्षरुपमा लाभान्वित गर्दै आएको छ ।
बैंकले ३५४ शाखा कार्यालय, ३८४ एटिएम, २७७ शाखा रहित बैंकिङ्ग सेवा, ६८ एक्सटेन्सन तथा राजश्व संकलन काउन्टर तथा ३ वटा बैदेशिक प्रतिनिधि कार्यालय समेत गरी १,१०० भन्दा बढि सेवा केन्द्रबाट सेवा प्रदान गर्दै आएको जानएको छ ।

काठमाडौं । प्रभु बैंक लिमिटेडले शाखा सञ्जाल विस्तार गर्ने आजदेखि तेह्रथुम जिल्लाको म्याङलुङ नगरपालिका वडा नं. १ मा आप्mनो ३०८औं र धनकुटा नगरपालिका,वडा नं.७ स्थित हुलाक टोलमा ३०९औं शाखा खोली बैंकिङ सेवा सञ्चालनमा ल्याएको छ ।
बैंकले व्यावसायिक सञ्जाल विस्तार गर्दै विभिन्न ठाउँहरुमा शाखा कार्यालय सञ्चालनमा ल्याएर सर्वसाधारणको घर आँगनसम्म सरल र सहज रुपमा बैंकिङ सेवा विस्तार गरेको हो ।
बैंकको म्याङलुङ शाखा र धनकुटा शाखा मार्फत स्थानीय बासिन्दा, सर्वसाधारणहरु, व्यवसायिक फर्म, कम्पनी तथा संघ संस्थाहरुले गुणस्तरीय सेवा उपभोग गरी लाभान्वित हुने र यस क्षेत्रको समग्र आर्थिक उन्नतीमा महत्वपूर्ण भूमिका निर्वाह गर्नेछ भन्ने बैंकले विश्वास लिएको छ ।
नेपालभर ३०९ शाखा कार्यालयहरु, २८६ एटीएम साथै ६९ एक्सटेन्सन काउन्टरमार्फत करिब ३१ लाख भन्दा बढि ग्राहकहरुलाई बैंकिङ एवं वित्तीय सेवा प्रवाह गरिरहेको बैंकले उल्लेख गरेको छ ।

काठमाडौं । सेयर बजारमा ११३।४२ अंकको उछाल आएको छ । आज बैंकमा लगानीकर्ताको आकर्षण देखिएको छ ।
बैंकिङ समूहको उपसूचक करिब १० प्रतिशतले बढ्यो । तर धेरै जसो बैंकको स्वामित्व रहेका माइक्रोफाइनान्सको सेयर मूल्य भने घटेको छ ।
आइतबारको कारोबारमा सबै समूहको उपसूचक बढ्यो । तर माइक्रोफाइनान्सको भने घटेको छ । यो दिन माइक्रोफाइनान्स समूहको उपसूचक १०.०६ अंकले घटेको छ ।
साताको पहिलो कारोबार दिन १२ वटा माइक्रोफाइनान्स समूहका कम्पनीको सेयर मूल्य बढ्दा ३५ वटाको घटेको छ ।
सेयर मूल्य घटेको कम्पनीमा ग्लोबल आइएमई लघुवित्त, हिमालयन लघुवित्त, लक्ष्मी लघुवित्त, एनआईसी एशिया लघुवित्त, एनएमबि माइक्रोफाइनान्सको सेयर मूल्य घटेको छ ।
कारोबारमा आरम्भ चौतारी लघुवित्त, आशा लघुवित्त, सीवाईसी नेपाल लघुवित्त, डिप्राृेक्स लघुवित्त, धौलागिरी लघुवित्त, फस्र्ट माइक्रोफाइनान्स, फरवार्ड माइक्रोफाइनान्स, ग्रामिण विकास लघुवित्त, गुँरास लघुवित्तको सेयर मूल्य घटेको छ ।
गणपति लघुवित्त, इन्फिनिटी लघुवित्त, जनउत्थान सामुदायिक लघुवित्त, कालिका लघुवित्त, मेरो माइक्रोफाइनान्स, मानुषी लघुवित्त, महिला लघुवित्त, माहुली लघुवित्तको सेयर मूल्य घटेको छ ।
यस्तै नाडेप लघुवित्त, नेष्डो लघुवित्त, आरएसडिसी लघुवित्त, समाज लघुवित्त, सृजनशिल लघुवित्त, स्वरोजगार लघुवित्त, सामुदायिक लघुवित्त, समता घरेलु लघुवित्त, सपोर्ट माइक्रोफाइनान्स, स्वाभिमान लघुवित्त, स्वाबलम्बन लघुवित्त, विजय लघुवित्त, वन नेपाल लघुवित्तको सेयर मूल्य बढेको छ ।