काठमाडौं । शेयर बजार आज लगातार दोस्रो दिन पनि बढेको छ । नेप्से उचालिएसँगै सवा ११ अर्ब बढीको कारोबार भएको छ ।
नेपाल स्टक एक्सचेञ्ज लिमिटेड (नेप्से) का अनुसार आज बजार २२.१४ अंकले उचालिएको छ । ०.८० प्रतिशतले बजार बढ्दा नेप्से परिसूचक २७६०.२१ अंकमा पुगेको छ ।
समग्रमा बजार बढेपनि विकास बैंक, फाइनान्स, होटल, हाइड्रो र निर्जीवन बीमा समूह भने राताम्मे भएका छन् । बैंकिङसहितका बाँकी समूहमा हरियाली छाएको छ ।
आज ३०२ कम्पनीका २ करोड ४५ लाख ५७ हजार १ सय ५३ कम्पनीका ११ अर्ब ३१ करोड ५२ लाख ७ हजार १ सय २७.०९ रुपियाँ बराबरको कारोबार भएको छ ।
आज विभिन्न १० कम्पनीका लगानीकर्ताहरुले ९ प्रतिशत बढी नाफा कमाएका छन् ।
त्यस्तै इस्टर्न हाइड्रो र समृद्धि फाइनान्सले क्रमशः १० र ९.७१ प्रतिशतले घाटा व्यहोरेका छन् ।
आज सबैभन्दा बढी साहस उर्जाको कारोबार भएको छ । उक्त कम्पनीको ३८ करोड १७ लाख ८७ हजार २ सय ४४.७० रुपियाँ बराबरको कारोबार भएको नेप्सेले जानकारी दिएको छ ।
साताको पहिलो दिन हिजो आइतबार बजार ६२.५४ अंकले बढ्दा ९ अर्ब ७७ करोड ११ लाख २४ हजार ७३.५५ रुपियाँ बराबरको कारोबार भएको नेप्सेले जनाएको छ ।

काठमाडौं । शेयर बजार उच्च अंकले बढ्दा आज करीब १० अर्बको कारोबार भएको छ ।
नेपाल स्टक एक्सचेञ्ज लिमिटेड (नेप्से) का अनुसार आज बजार ६२.५४ अंकले उचालिएको हो । २.३३ प्रतिशतले बजार बढ्दा नेप्से परिसूचक २७३८.०६ अंकमा पुगेको छ ।
बजार उचालिएसँगै आज सबै समूहमा हरियाली छाएको छ । सबैभन्दा बढी जलविद्युत समूह ४.२६ अंकले बढेको हो ।
आज ३२५ कम्पनीका २ करोड २४ लाख ७४ हजार २ सय ८१ कित्ता शेयर किनबेच हुँदा ९ अर्ब ७७ करोड ११ लाख २४ हजार ७३.५५ रुपियाँ बराबरको कारोबार भयो ।
समग्रमा बजार बढ्दा विभिन्न ९ कम्पनीका लगानीकर्ताहरुले ९ प्रतिशत बढी नाफा कमाएका छन् ।
त्यस्तै सानिमा ग्रोथ फण्डका लगानीकर्ताहरुले सबैभन्दा बढी ६.७६ प्रतिशतले घाटा व्यहोरेका छन् ।
आज सानिमा जीआईसी इन्स्योरेन्सको उच्च कारोबार भएको छ । उक्त कम्पनीको ३८ करोड ४ लाख ३७ हजार ८ सय ३१.२० रुपियाँ बराबरको शेयर किनबेच भएको नेप्सेले जानकारी दिएको छ ।