काठमाडौं । सूर्यज्योति लाइफ इन्स्योरेन्स कम्पनीले २० प्रतिशत लाभांश घोषणा गरेको छ ।
सञ्चालक समितिको आज बसेको बैठकले आव २०८०, ८१ को नाफाबाट हाल कायम चुक्ता पूँजीको २० प्रतिशत नगद लाभांश (करसहित) प्रस्ताव गर्ने निर्णय गरेको जनाईएको छ ।
कम्पनीको हाल कायम चुक्ता पूँजी ५ अर्ब १ करोड १९ लाख ७७ हजार ७ सय ९७।४६ रुपियाँ छ ।
सञ्चालक समितिले प्रस्ताव गरेको लाभांश नेपाल बीमा प्राधिकरणबाट स्वीकृति र आगामी साधारण सभाले पारित गरेपछि शेयरधनीहरुले पाउने छन् ।

काठमाडौं । ज्योति विकास बैंकले काठमाडौँस्थित इ रिभल्भिङ इन्डियन कुजिन रेस्टुरेन्टमा आफ्ना ग्राहकहरूलाई १० प्रतिशतसम्मको विशेष छुट प्रदान गर्ने सम्बन्धी सम्झौता गरेको छ।
यस सम्झौतापछि ज्योति विकास बैंकका ग्राहकहरूले उक्त रेस्टुरेन्टमा १० प्रतिशतसम्म छुट प्राप्त गर्न सक्ने जनाईएको छ । स्वादिष्ट परिकार, आकर्षक वातावरण, उत्कृष्ट आतिथ्य सेवा र हरेक ४६ मिनेटमा एक सुस्त घुमाउरो घुम्ने विशेषताका कारण, काठमाडौँको न्युरोडमा रहेको यो रेस्टुरेन्टले ग्राहकहरूको मन जित्दै विशिष्ट गन्तव्यको रूपमा आफूलाई स्थापित गरेको छ।
हालै बैंकले काठमाडौँस्थित अचार घर, नेपाल हाउस रेस्टुरेन्ट एन्ड बार र र महोत्सव एन्ड बारमा १० प्रतिशतसम्मको छुट प्रदान गर्ने सम्झौता गरेको छ। यसका साथै, बैंकले काठमाडौँस्थित प्रख्यात स्वेच्छा ट्रेडर्समा १८ प्रतिशतसम्मको विशेष छुट प्रदान गर्ने सम्झौता पनि गरेको छ।
बैंकले अन्नपूर्ण केबल कारमा १० प्रतिशतसम्मको विशेष छुट प्रदान गर्ने सम्झौता पनि गरेको छ। ज्योति विकास बैंकले ग्राहकहरूको सुविधालाई प्राथमिकतामा राख्दै, देशका अन्य विभिन्न व्यवसायहरूसँग निरन्तर सहकार्यसहित ग्राहकहरूलाई विशेष छुट र सुविधा प्रदान गर्दैआएको छ।

काठमाडौँ । नेप्लिज योङ ईन्टरप्रेनियर्स फोरम (एनवाईईएफ) काठमाडौं च्याप्टरले ग्लोबल आईएमई बैंक एनवाईईएफ स्टार्टअप अवार्ड्स ४.० का लागि ओरिएन्टेसन कार्यक्रम सम्पन्न गरेको छ ।
पाटन कलेज फर प्रोफेशनल स्टडिजमा सम्पन्न भएको उक्त कार्यक्रमले नेपालमा उद्यमशीलताको सम्भावनालाई मजबुत बनाउने आयोजकले जनाएका छन् ।
यस वर्षको प्रतियोगिताका लागि नेपालभरका १७० भन्दा बढी स्टार्टअपहरु दर्ता भएका छन् । उक्त ओरिएन्टेसनले प्रतियोगिताको प्रक्रिया, मेन्टरशिप र वृद्धिका अवसरहरूका बारेमा विस्तृत जानकारी प्रदान गरेको थियो ।
कार्यक्रमको सुरुवात एनवाईईएफ काठमाडौं च्याप्टरका अध्यक्ष अभिमन्यु गोल्छाको स्वागत सम्बोधनबाट भएको थियो । जसमा उनले स्टार्टअपहरुलाई स्केल गर्न र सफल बनाउन यस्ता प्लेटफर्महरूको महत्वलाई जोड दिएका थिए ।
कार्यक्रमका अध्यक्ष सन्दीप शर्माले प्रतियोगिताको संरचनाबारे विस्तृत जानकारी प्रदान गर्दै मेन्टरशिप, नेटवर्किङ र पुरस्कार जित्ने अवसरहरूलाई प्रस्ट पारेका थिए । कार्यक्रमको समापन एनवाईईएफ नेशनल गभर्निङ काउन्सिलकी कार्यकारी सदस्य बिलाषा श्रेष्ठको सम्बोधनबाट भएको थियो ।
कार्यक्रमबारे थप प्रकाश पार्दै बिटुबी सेसनले सहभागीहरूलाई समान विचारधाराका उद्यमीहरू र सम्भावित साझेदारहरूसँग नेटवर्किङ गर्ने अवसर पनि प्रदान गरेको थियो । हाई–टी सेसनका साथ समापन भएको कार्यक्रममा अनौपचारिक अन्तरक्रिया र नेटवर्किङका लागि पनि उपयुक्त वातावरण बनेको थियो ।
ग्लोबल आईएमई बैंक एनवाईईएफ स्टार्टअप अवार्ड्स ४.० केवल एक प्रतियोगिता मात्र होईन । यो ५ लाख रुपियाँँभन्दा माथिको नगद पुरस्कार, विशेषज्ञ परामर्श र लगानीकर्तासँगको सम्पर्क बढाउने एक प्रगतिशील प्लेटफर्म पनि हो । यस वर्षको बलियो सुरुवातले अर्को सफल संस्करणको संकेत गरेकोे छ ।
प्रतियोगिताका आगामी चरणहरू र थप जानकारीका लागि एनवाईईएफका सुचनाहरु निरन्तर अवलोकन गर्न फोरमले अनुरोध गरेको छ । नेपाली स्टार्टअपहरूको महत्वाकांक्षालाई निरन्तर समर्थन गर्ने प्रतिबद्धता एनवाईईएफले व्यक्त गरेको छ ।

काठमाडौं । निरन्तर बढिरहेको शेयर बजारमा आज भने करेक्शन देखिएको छ ।
नेपाल स्टक एक्सचेञ्ज लिमिटेड (नेप्से) का अनुसार आज बजार ८.३० अंकले घटेको हो । ०.३० प्रतिशतले बजार घट्दा नेप्से परिसूचक २७४८.०५ अंकमा झरेको हो ।
समग्रमा बजार घटे पनि आज विकास बैंक, जीवन बीमा र ट्रेडिङ समूह क्रमशः १.०५, ०.४७ र ९.२५ प्रतिशतले बढेका छन् । बाँकी समूह भने राताम्मे भए ।
आज ३०७ कम्पनीका १ करोड ६६ लाख ६३ हजार ३ सय ५५ कित्ता शेयर किनबेच हूँदा ८ अर्ब ५४ करोड ५५ लाख २५ हजार ३ सय ७३.१३ रुपियाँ बराबरको करोबार भएको छ ।
बजार घटे पनि विशाल बजार कम्पनी, वीन नेपाल लघुवित्त, सपोर्ट माइक्रोफाइनान्स, पाँचथर पावर र एलआईसी नेपालका लगानीकर्ताहरुले क्रमशः १०, १०, ९.९८, ८.३३ र ८.११ प्रतिशतले नाफा कमाएका छन् ।
त्यस्तै मानुषी लघुवित्त, अपर साङ्गे हाइड्रो, कर्णाली डेभलपमेन्ट बैंक, सुपर मादी हाइड्रो र गुराँस लघुवित्तका लगानीकर्ताहरुले सबैभन्दा बढी १०, ८.६०, ६.८४, ५.२७ र ४.८८ प्रतिशतले घाटा व्यहोरेका छन् ।
आज एक्सेल डेभलपमेन्ट बैंकको उच्च कारोबार भएको छ । उक्त बैंकको ३१ करोड ८ लाख ६४ हजार ७ सय ३७.१० रुपियाँ बराबरको कारोबार भएको नेप्सेले जानकारी दिएको छ ।
साताको पहिलो दिन आइतबार १३.०३ अंकले बजार घट्दा ७ अर्ब ७२ करोड ८८ लाख ६१ ह्जार २ सय ५०.७३ रुपियाँ, सोमबार १५.८३ अंकले बजार बढ्दा ६ अर्ब ३४ करोड ५८ लाख ९ हजार ५ सय ९७.८४, मंगलबार ३३.४१ अंकले बजार बढ्दा ७ अर्ब ४४ करोड ९८ लाख ९८ हजार ९ सय ८७.८९ रुपियाँ र हिजो बुधबार ३९ अंकले बजार बढ्दा ९ अर्ब ३१ करोड २९ लाख ३४ हजार ८ सय ४०.३६ रुपियाँ बराबरको कारोबार भएको थियो ।