काठमाडौं । कुमारी बैंकले ‘कुमारी परिवार सुरक्षा बचत खाता’ योजना अन्तर्गत खातावालाको परिवारलाई १० लाख रुपियाँँको दुर्घटना बीमा रकम भुक्तानी गरेको छ ।
खातावालाको परिवारको तर्फबाट श्रीमती मुना राणालाई कुमारी बैंकको टोखा शाखाबाट रकम हस्तान्तरण गरिएको थियो ।
बैंकले ‘कुमारी परिवार सुरक्षा बचत खाता’ मा आकर्षक बीमा सुविधा उपलब्ध गराउँदै आएको छ । यस खातामा खातावाला सहित परिवारका चार जना सदस्यहरुले २६ लाख रुपियाँसम्मको बीमा प्राप्त गर्न सक्ने सुविधा रहेको छ ।
बैंकले विगत ५ वर्षदेखि ग्राहकहरुको सुविधाका लागि ‘कुमारी परिवार सुरक्षा बचत खाता’ योजना मार्फत बिमा लगायत अन्य उत्कृष्ट सुविधा प्रदान गर्दै आएको छ ।
बैंकले देशभर रहेका ३०२ शाखा सञ्जाल, ३१५ एटिएम, ५० एक्सटेन्सन काउन्टर तथा ५४ शाखा रहित बैंकिङ्ग ईकाईहरु मार्फत सेवा प्रदान गर्दै आएको विज्ञप्तिमा उल्लेख गरेको छ ।

काठमाडौं । निरन्तर घटिरहेको शेयर बजारमा आज बुधवार अंग्रेजी नयाँ वर्षको पहिलो दिन अर्थात जनवरी १ मा झिनो सुधार देखिएको छ । नेप्से उचालिए पनि कारोबार रकम भने साढे ३ अर्बमा समेटिएको छ ।
नेपाल स्टक एक्सचेञ्ज लिमिटेड (नेप्से) का अनुसार आज बजार ५.१० अंकले उचालिएको हो । ०.१९ प्रतिशतले बजार बढ्दा नेप्से परिसूचक २५८१.६० अंकमा उक्लिएको छ ।
समग्रमा बजार बढे पनि बैंकिङ, जीवन बीमा, लघुवित्त, म्युचुअल फण्ड र अन्य समूह क्रमशः ९.७२, ०.०६, ०.१६, ०.१७ र ०.४१ प्रतिशतले घटेका छन् । बाँकी अरु समूहमा भने हरियाली छाएको छ ।
आज ३०५ कम्पनीका ९४ लाख ३४ हजार ९ कित्ता शेयर किनबेच हुँदा ३ अर्ब ३९ करोड ७४ लाख ४५ हजार ३ सय ३४.३७ रुपियाँ बराबरको शेयर किनबेच भएको थियो ।
शेयर बजारमा झिनो सुधार देखिए पनि विभिन्न ५ कम्पनीका लगानीकर्ताहरुले ९ प्रतिशत बढी नाफा कमाएका छन् । त्रिशुली जलविद्युत, आत्मनिर्भर लघुवित्त, सुपर मादी हाइड्रो, कर्पोरेट डेभलपमेन्ट बैंक र जोशी हाइड्रोका लगानीकर्ताहरुले क्रमशः १०, ९.९३, ९.८३, ९.३६ र ९.२९ प्रतिशतले नाफा कमाएका छन् ।
त्यस्तै सपोर्ट माइक्रोफाइनान्सका लगानीकर्ताहरुले सबैभन्दा बढी १० प्रतिशतले घाटा व्यहोरेका छन् ।
एनआरएन इन्फ्रास्ट्रक्चर एण्ड डेभलपमेन्ट लिमिटेडको आज उच्च कारोबार भएको छ । उक्त कम्पनीको २१ करोड ८२ लाख १७ हजार ३ सय ४९.६० रुपियाँ बराबराको कारोबार भएको नेप्सेले जानकारी दिएको छ ।
साताको पहिलो दिन आइतबार २१.१२ अंकले बजार घट्दा ५ अर्ब ४७ करोड ४८ लाख ६८ हजार ७ सय ६४.७७ रुपियाँ र हिजो मंगलबार ३३.०८ अंकले बराबरको घट्दा ५ अर्ब ६७ करोड ४६ लाख ८६ हजार ९१.४९ रुपियाँ कारोबार भएको थियो । सोमबार भने ल्होसारको सार्वजनिक बिदाका कारण बजार बन्द रहेको थियो ।