काठमाडौं । कामना सेवा विकास बैंकले आफ्नो स्थापनाको १९ औं वार्षिकोत्सव मनाएको छ । बैंकले आफ्नो १९ औं वार्षिकोत्सवको अवसरमा नयाँ निक्षेप योजना सार्वजनिकसँगै विभिन्न कार्यक्रमहरु आयोजना गरेको छ ।
यसैक्रममा बिहिबार देशव्यापी रुपमा रक्तदान कार्यक्रम सम्पन्न गरेको छ । बैंकले आफ्नो केन्द्रीय कार्यालय सहित सम्पुर्ण क्षेत्रिय कार्यालयहरुमा रक्तदान कार्यक्रम सम्पन्न गरेको छ । विभिन्न स्थानहरुमा सम्पन्न भएको रक्तदान कार्यक्रमबाट कुल ४२९ पिन्ट रगत संकलन भएको छ ।
बैंकका संचालक भीमप्रसाद तुलाचनबाट बैंकको बुटवल क्षेत्रमा भएको रक्तदान कार्यक्रमको उद्घाटन भएको थियो भने केन्द्रीय कार्यालयमा आयोजित रक्तदान कार्यक्रममा बैंकका नायब प्रमुख कार्यकारी अधिकृत विनय दाहालले हिमाल हस्पिटल, रक्तसंचार केन्द्रकी भावना पाण्डेलाई ब्लड व्याग हस्तान्तरण गरी उद्घाटन गरिएको थियो ।
रक्तदान कार्यक्रम कोशी प्रदेशको विराटनगर शाखा, मधेस प्रदेशको बर्दिबास शाखा, नारायणगढ क्षेत्रको नारायणगढ शाखा, पोखरा क्षेत्रको न्युरोड पोखरा शाखा, बुटवल क्षेत्रको बुटवल शाखा र पश्चिम क्षेत्रको नेपालगञ्ज शाखामा भएको रक्तदान कार्यक्रममा क्षेत्रीय प्रमुख, स्थानिय समाजसेवी, रक्तदाता तथा कर्मचारीहरुको उपस्थिती रहेको थियो ।
बैंकले आफ्नो वार्षिकोत्सवको अवसरमा अन्तर बैंक तथा वित्तीय संस्था स्तरिय फुटलस कप (पाँचौं संस्करण) पनि आयोजना गरेको थियो । उक्त प्रतियोगितामा पुरुषतर्फ सिद्धार्थ बैंक र महिलातर्फ लुम्बिनी विकास बैंक विजयी भएको थियो । १९औं वार्षिकोत्सवकै अवसरमा बैंकको अमरसिंह शाखाले अमरसिंह उच्च मावि र पोखरा न्युरोड शाखाले पार्दी माविमा वित्तिय साक्षरता कार्यक्रम समेत सम्पन्न गरेका छन् ।
यता, वार्षिकोत्सवको अवसर पारेर बैंकले नयाँ निक्षेप योजना ‘अल्फा ग्रो’ समेत सार्वजनिक गरेको छ । बैंकका अनुसार यो खाता १८ वर्ष सम्मका उमेर समूहका बालबालिकाहरुलाई लक्षित गरिएको हो ।
यस खाताको विशेषतामा खाता खोल्ने ग्राहकहरुलाई बैंकले आकर्षक खुत्रुके उपलव्ध गराउने र खातावालाको रु.५० हजार रुपैया सम्मको जीवन बीमा बैंकले नै व्यवस्था गर्नेछ ।
उक्त जीवन बीमाको प्रिमियम, खातावाला १८ वर्ष नपुग्दासम्म बैंकले नै भुक्तानी गर्ने बैंकले जनाएको छ । जसले बालबालिकाको भविष्यलाई सुरक्षित र दिगो बनाउन सहयोग पुग्ने विश्वास बैंकले लिएको छ ।
‘अल्फा ग्रो’ खातामार्फत् बालबालिकामा बचत गर्ने बानीको विकास र अभिभावकहरुलाई भविष्यमुखी वित्तीय सुरक्षा प्रदान गर्ने उद्धेश्य बैंकले लिएको छ ।

काठमाडौं । गरिमा विकास बैंकको उन्नाइसौं वार्षिक साधारणसभा आज पोखरामा सम्पन्न भएको छ । उक्त साधारणसभाले शेयरधनीहरुलाई हाल कायम चुक्ता पूँजीको ६ प्रतिशत बोनस शेयर र ४.५३ प्रतिशत नगद लाभांश (प्रस्तावित बोनस शेयर र नगद लाभांशको करसहित) गरी कुल १०.५३ प्रतिशत लाभांश वितरण गर्ने प्रस्ताव पारित गरेको छ ।
उक्त साधारणसभाले विकास बैंकको आ.व. २०८१, ८२ को वार्षिक प्रतिवेदन, लेखापरीक्षकको प्रतिवेदन सहितको विकास बैंकको २०८२ असार मसान्तको वासलात, आ.व. २०८१, ८२ को नाफानोक्सान हिसाब, नगद प्रवाह विवरण, नाफा–नोक्सान बाँडफाँड हिसाब, इक्वीटिमा भएको परिवर्तन लगायत सो सँग सम्बन्धित अनुसूचीहरु पारित गर्ने तथा आ.व. २०८२, ८३ को लेखापरीक्षण कार्यको लागि लेखापरीक्षक नियुक्ति गर्ने लगायतका सामान्य प्रस्तावहरु पारित गरेको छ ।
त्यसैगरी, साधारण सभाले विशेष प्रस्ताव अन्तर्गत हालको अधिकृत पूँजी बृद्धि गरी रु. ६ अर्ब १० करोड पुर्याउने, काठमाडौं जिल्ला काठमाडौं महानगरपालिका वडा नं. २, लाजिम्पाटमा रहेको केन्द्रीय कार्यालय काठमाडौं महानगरपालिका वडा नं. ३, बालुवाटारमा अवस्थित आफ्नै भवनमा स्थानान्तरण गर्ने, हालको छाप र लोगो परिवर्तन गर्ने, प्रबन्ध–पत्र, नियमावली संसोधन गर्ने लगायतका प्रस्तावहरु पारित गरेको छ ।
हाल विकास बैंकको चुक्ता पूँजी रु.५ अर्ब ६८ करोड ५ लाख १७ हजार ३ सय २७ र पैसा ५७ रहेकोमा यस वार्षिक साधारणसभाबाट पारित भएको ६ प्रतिशत बोनस शेयर वितरण पश्चात विकास बैंकको जारी तथा चुक्ता पुँजी रु.६ अर्ब २ करोड १३ लाख ४८ हजार ३ सय ६७ र पैसा २२ पुग्नेछ ।
देशभर १२६ शाखा कार्यालयहरु र ५१ एटिएम रहेको बैंकले नविनतम डिजिटल बैकिङ मार्फत सरल, सुरक्षित एवं गुणस्तरीय सेवा प्रवाह गर्दै आईरहेको जनाएको छ ।

काठमाडौं । नेपाल लाइफ इन्स्योरेन्स कम्पनी लिमिटेडका दमक शाखा अन्तर्गतका एजेन्सी म्यानेजर बिक्रम अधिकारी र बिशाल अधिकारीले ऐतिहासिक उपलब्धि हात पारेका छन्। नेपाल लाइफको प्रतिष्ठित ‘नेपाल लाइफ समृद्धि पदक राष्ट्रिय सम्मान २०२६’का लागि तोकिएको एक वर्षको प्रिमियम लक्ष्य एकै दिनमै पूरा गर्दै दाजुभाइले कीर्तिमान कायम गरेका हुन्।
झापा, बिर्तामोड–१० विराटपोखर स्थायी घर भएका यी दाजुभाइले मेहनत, अनुशासन र निरन्तरताको अद्वितीय उदाहरण प्रस्तुत गरेका छन्। परिवार र समाजमा उदाहरणीय व्यक्तित्वका रूपमा परिचित उनीहरूले नेपाल लाइफमार्फत सयौं परिवारलाई जीवन बीमाको महत्व बुझाउँदै वित्तीय सुरक्षाको दायरामा ल्याउँदै आएका छन्। “बीमा केवल कागजी लेनदेन मात्र नभई,भविष्यको सुरक्षा र सन्ततिको उज्वल भविष्य को ग्यारेन्टी हो” भन्ने विश्वासका साथ उनीहरू सबै वर्गलाई बिमा सुरक्षा घेरामा समेट्दै आइरहेका छन्।
मनकामना काली निर्माण सेवाका प्रोप्राइटर र एन.आर.आर.एन.कंक्रिट उद्योगका व्यवस्थापक समेत रहेका बिशाल ले व्यावसायिक व्यस्तताबीच पनि नेपाल लाइफको मिशनलाई अघि बढाउँदै यो अभूतपूर्व सफलता सम्भव बनाए।
साथै बिक्रम विशाल ले देखाएको प्रतिबद्धता र लक्ष्यप्रतिको दृढताले नेपाल लाइफ इन्स्योरेन्स दमक शाखा र देशभरका अन्य अभिकर्ताहरूका लागि अधिकारी दाजुभाइ प्रेरणाका स्रोत बनेका छन्। उनीहरूको यस उपलब्धिपछि कम्पनीका अभिकर्ता,कर्मचारी, शाखा प्रमुख, प्रदेश प्रमुख,देखि उच्च पदाधिकारीहरूले हार्दिक बधाई र सम्मान व्यक्त गरेका छन्।

काठमाडौं। नबिल बैंकको ‘७ प्रतिशत नबिल डिबेन्चर २०८९’ नामक ऋणपत्र नेप्सेमा सूचीकृत भएको छ । नबिल बैंकका प्रमुख कार्यकारी अधिकृत मनोजकुमार ज्ञवाली र नेप्सेका प्रमुख कार्यकारी अधिकृत चुडामणी चापागाईंले सूचीकरण सम्बन्धी सम्झौतामा हस्ताक्षर गरेका थिए ।
आठ वर्षे अवधिको ऋणपत्रमा वार्षिक ७ प्रतिशत ब्याजदर पाइनेछ । १,००० रुपैयाँ अंकित मूल्यका दरले ३० लाख कित्ताले हुन आउने ३ अर्ब रुपैयाँ बराबरको यस ऋणपत्र दोस्रो बजारमा बिहीबारदेखि कारोबार सुरु भएको बैंकले जानकारी दिएको छ । ऋणपत्र रजिष्ट्रार सेवासम्बन्धी काम नबिल इन्भेष्टमेन्ट बैंकिङ लिमिटेडले गर्नेछ ।
नबिलले २५ लाखभन्दा बढी सेवाग्राहीहरूलाई देशभरीका २६८ शाखा र ३२१ एटिएममार्फत सेवा प्रदान गर्दै आएको छ । विगत चार दशकदेखि नबिल बैंकले नेपाली बैंकिङ क्षेत्रमा नवीनतम सेवाको सुरुवात गर्न अग्रणी भूमिका खेल्नुका साथै नेपालको बैंकिङ विकासको इतिहासमा कोसेढुङ्गाका रूपमा काम गर्दै आएको छ ।