काठमाडौं । जीवन विकास लघुवित्त वित्तीय संस्थाले १४.७३ प्रतिशत लाभांश घोषणा गरेको छ ।
सञ्चालक समितिको आज बसेको बैठकले आव २०८१–२०८२ को नाफाबाट हाल कायम चुक्ता पूँजीको १४ प्रतिशत बोनस शेयर र कर प्रयोजनका लािग ०.७३६८ प्रतिशत नगद लाभांश प्रस्ताव गर्ने निर्णय गरेको कम्पनी सचिव दामोदर रेग्मीले जनाएका छन् ।
कम्पनीको हाल कायम चुक्ता पूँजी १ अर्ब ५३ करोड ६१ लाख ७१ ह्जार ५ सय ४६ रुपियाँ छ ।
सञ्चालक समितिले प्रस्ताव गरेको लाभांश राष्ट्र बैंकबाट स्वीकृति र आगामी साधारण सभाले पारित गरे पछि शेयरधनीहरुले पाउने छन् ।

काठमाडौं । सेयर बजारमा दोहोरो अंकको गिरावट आएको छ । साताको कारोबारको अन्तिम दिन बिहीबार सेयर बजार परिसूचक नेपाल स्टक एक्सचेञ्ज (नेप्से) १०.६६ अंकले घटेर २६१५.०३ बिन्दुमा सीमित भएको छ ।
अघिल्लो दिन बुधबार भने नेप्से ५.७० अंकले बढेको थियो । बिहीबार नेप्सेमा कुल ४ अर्ब ५७ करोड रुपैयाँको कारोबार भएको छ । अघिल्लो दिन बुधबार भने नेप्सेमा कुल ३ अर्ब ९७ करोड रुपैयाँ बराबरको कारोबार भएको थियो ।
बिहीबार कारोबारमा आएकामध्ये ६३ कम्पनीको सेयर मूल्य बढ्दा १९४ कम्पनीको घटेको छ । यस्तै, २ कम्पनीको सेयर मूल्य भने स्थिर छ ।
बिहीबार स्वस्तिक लघुवित्त वित्तीय संस्था र एसवाई प्यानेल नेपालको सेयर मूल्यमा सकारात्मक सर्किट लाग्दा सिन्धु विकास बैंकको मूल्य ९.५६ प्रतिशतले बढेको छ ।

काठमाडौं । नेपाल बैंक लिमिटेडमा कार्यरत कर्मचारीहरु र बैंकमा खाता रहेका ग्राहकहरूलाई लक्षित गरी बैंकको सेवा प्रदायक एफ वान सफ्ट इन्टरनेशनल प्रालिको सहकार्यमा ब्राण्ड प्रवद्र्धन एवम् डिजिटल बैंकिङ व्यवसाय अभिवृद्धिको लागि पुस महिनाभरि लागु हुने गरी ‘टप अप गरौं बोनस पाऔं’ अभियान सञ्चालन गरेको छ ।
सो अभियान अवधिभर रु. २०० वा सो भन्दा माथिको रकम एनबीएल मोबाइल बैंकिङ एप मार्फत टप अप गर्ने ८० जनालाई रु. १०० का दरले बोनस प्रदान गरिने र सो को घोषणा अभियान अवधि पश्चात गरिने बैंकले जनाएको छ । यस अभियानले बैंकको डिजिटल बैंकिङ अभिवृद्धिमा महत्वपूर्ण भूमिका खेल्ल्ने विश्वास पनि बैंकले लिएको छ ।
नेपालभर २३१ शखा, २३७ एटिएमका साथै ६१ वटा एक्स्टेन्सन काउन्टरको सञ्जाल मार्फत करिब २७ लाख ग्राहकहरुलाई वित्तीय सेवा पुर्याईरहेको बैंकले जनाएको छ ।

काठमाडौं । कुमारी बैंक लिमिटेडले उद्यमशिलता विकास तथा वित्तिय पहुच विस्तारका लागि वीनरक इन्टरनेशनलसँग सम्झौता गरेको छ ।
यस सहकार्य अन्तर्गत बैंक र विनरकले संयुक्तरुपमा लक्ष्यित समुदायको उद्यमशिलता विकास, वित्तिय साक्षरता विकास, उद्यमीहरुको प्राविधिक तथा व्यवस्थापकिय क्षमता सुदृढिकरण र दिगो व्यावसायिक योजना निर्माणमा क्षमता विकास गर्ने छन् ।
दिगो बैंकिङ, वित्तिय समावेशीकरण अनि स्थानिय उद्यम सुदृढिकरण तथा प्रवद्र्धनमा कुमारी बैंकको प्रतिबद्धतालाई पुनः प्रष्ट पार्दै दिगो बैंकिङ विभागका प्रमुख अर्पण पौडेल भन्छन्, ‘यस सहकार्य मार्फत बैंक लक्षित समूहको वित्तिय समृद्धि अभिवृद्धि गर्न तर्फ निरन्तर प्रयत्नशील रहनेछ ।’
बैंकले आफ्ना देशभर रहेका ३०२ शाखा सञ्जाल, ५० एक्सटेन्सन काउन्टर, ४८ शाखा रहित बैंकिङ्ग ईकाईहरु तथा ३१७ एटिएम मार्फत आफ्ना ग्राहकलाई अत्याधुनिक तथा प्रभावकारी सेवाहरु प्रदान गर्दै आइरहेको जनाएको छ ।

काठमाडौं । नेशनल लाइफ इन्स्योरेन्स कम्पनीले गत आर्थिक वर्षको मुनाफाबाट सेयरधनीहरुलाई वितरण गर्ने लाभांश घोषणा गरेको छ ।
इन्स्योरेन्स कम्पनीले १३.१६ प्रतिशत लाभांश दिने घोषणा गरेको छ । इन्स्योरेन्सले हाल कायम चुक्ता पुँजीको ४ प्रतिशत बोनस सेयर र ८.५ प्रतिशत नगद लाभांश दिने प्रस्ताव गरेको हो ।
यस्तै, लाभांशमा लाग्ने कर प्रयोजनका लागि थप ०.६६ प्रतिशत नगदसहित कुल १३.१६ प्रतिशत लाभांश दिने प्रस्ताव गरेको हो ।
पुस २ गते बसेको इन्स्योरेन्सको सञ्चालक समितिको बैठकले सो दरमा लाभांश वितरण गर्ने प्रस्ताव गरेको हो ।
प्रस्तावित लाभांश नेपाल बिमा प्राधिकरणको स्वीकृति र आगामी वार्षिक साधारणसभाबाट पारित भएपछि सेयरधनीमा वितरण हुनेछ ।