काठमाडौं । विश्वप्रसिद्ध स्मार्टफोन ब्रान्ड सामसङले नेपाली बजारमा नयाँ एआई–ड्रिभन प्रविधि भित्र्याउने संकेत गर्दै टिजर सार्वजनिक गरेको छ ।
सार्वजनिक एक टिजरले स्मार्टफोनको अनुभवलाई रूपान्तरण गर्नसक्ने सुविधामा संकेत गरेको देखिन्छ । सम्भावित रूपमा डिस्प्ले इन्टेलीजेन्स वा उपकरणमा रहेको एआईसँग सम्बन्धित छ, जबकि अर्कोले सामसङको लोकप्रिय नाइटोग्राफी फिचरतर्फ औंल्याएको छ । यी सूक्ष्म संकेतहरूले पहिले नै कुराकानी सुरु गरिसकेका छन्, जसले गर्दा सामसङले अब के अनावरण गर्न सक्छ भन्ने बारेमा अनुमानहरू बढेका छन् ।
नेपालभित्र ग्यालेक्सी फ्ल्यागसिपको सफलतामाथि टेकेर सामसङले दैनिक प्रयोगलाई अझ स्मार्ट र सजिलो बनाउने योजनातर्फ ध्यान दिइरहेको छ ।
टिजरमार्फत संकेत गरिएको अनुभव अन–डिभाइस एआईद्वारा सञ्चालित एक इन्टेलीजेन्ट डिस्प्ले लेयरमा केन्द्रित देखिन्छ, जसले कन्टेन्टलाई रियल टाइममा गतिशील रूपमा अनुकूलन गर्छ । यसको प्रयोगकर्ताहरूले दैनिक विभिन्न परिस्थितिहरूमा आफ्नो स्क्रिन कसरी हेर्छन्, कसरी अन्तर्क्रिया गर्छन् र कसरी संलग्न हुन्छन् भन्ने अनुभवलाई अझ प्रभावकारी बनाउँछ ।
टिजरमार्फत संकेत गरिएको सबैभन्दा चासो जगाउने सम्भावनाहरूमध्ये एक भनेको अन स्क्रिन प्राइभेसीप्रति नयाँ दृष्टिकोण हो । उन्नत डिस्प्ले प्रविधिहरू र अन डिभाइस इन्टेलिजेन्सको उपयोग गरेर, सामसङले आजको अन द गो जीवनशैलीको लागि डिजाइन गरिएको एआई सञ्चालित प्राइभेसी तह प्रस्तुत गर्ने तयारी गरिरहेको हुनसक्छ । प्रतीक्षा थपिँदै जाँदा सामसङ नेपालको नयाँ टिजरले चाँडै नै नयाँ इन्टेलीजेन्सको तह खुलासा हुनसक्ने संकेत दिएको छ ।

काठमाडौं । होटल फरेष्ट इन लिमिटेडले माघ २२ गतेदेखि आज २६ गतेसम्म सर्वसाधारणका निष्काशन गरेको आईपीओमा २३ लाख ३० हजार ८६ जनाको आवेदन परेको छ ।
आज अन्तिम दिन अन्तिम समयसम्म २ अर्ब ६३ करोड ६० लाख ५० हजार रुपियाँ बराबरको २ करोड ६३ लाख ६० हजार ५ सय कित्ता शेयरको लागि आवेदन परेको हो ।
कम्पनीले जारी पुँजी २ अर्ब रुपियाँको २० प्रतिशत हिस्सा बराबर हुने ४० लाख कित्ता सेयर निष्काशन गर्न अनुमति पाएको थियो, जसको कुल मूल्य ४० करोड रुपियाँ हुन्छ । सोमध्ये ४ लाख कित्ता सेयर विदेशमा कार्यरत नेपालीहरूका लागि, दुई लाख कित्ता सामूहिक लगानी कोषका लागि र ८० हजार कित्ता कम्पनीका कर्मचारीहरूका लागि छुट्याई वितरण गरिसकिएको छ ।
दोस्रो चरणमा कम्पनीले सर्वसाधारण लगानीकर्ताका लागि बाँकी ३३ लाख २० हजार कित्ता साधारण सेयर निष्काशन गरेको हो । जसको कुल मूल्य ३३ करोड २० लाख रुपियाँ बराबर हुन्छ ।

काठमाडौं । नेशनल लाइफ इन्स्योरेन्स कम्पनी लिमिटेडको कीर्तिपुर शाखाका ब्रान्च म्यानेजर शिव शरण महर्जनको निधन भएको छ । कम्पनीमा लामो समयदेखि आवद्ध भएर काम गरीरहेका महर्जनको सोमबार (माघ २६ गते) निधन भएको हो ।
कम्पनीले ब्रान्च म्यानेजर महर्जनको असामायिक निधन भएको हुँदा उनको दिवंगत आत्माको चिर शान्तिको कामनासहित श्रदान्जली अर्पण गरेको छ । साथै, उनको शोकसन्तप्त परिवारजनमा धैर्यधारण गर्ने शक्ति ईश्वरले प्रदान गरुन भन्ने कामनाको साथ समवेदना व्यक्त गरेको छ ।
नेपाली बीमा क्षेत्रले एक अनुभवी, होनाहार र क्षमतावान कर्मचारी गुमाएको छ । उनले नेशनल लाइफ इन्स्योरेन्समा आवद्ध भएर समग्र बीमा उद्योगको विकासको लागि निकै महत्वपूर्ण भूमिका निर्वाह गरेका छन् ।

काठमाडौँ । हिमालयन लाइफ इन्स्यारेन्स लिमिटेडले संस्थापक समूह अन्तर्गत रिक्त रहेको सञ्चालक पदमा दिपक नेपाललाई नियुक्त गरेको छ।
कम्पनीको माघ २५ गते आइतबार बसेको सञ्चालक समितिको ६१औँ बैठकले दिपक नेपाललाई सोही मितिदेखि लागू हुने गरी बाँकी कार्यकालका लागि सञ्चालक पदमा नियुक्त गर्ने निर्णय गरेको हो।