काठमाडौं । पूर्वमन्त्री तथा कांग्रेस नेता दीपक खड्का पक्राउ परेका छन् । उनलाई नेपाल प्रहरीको केन्द्रीय अनुसन्धान ब्यूरो (सीआईबी) ले पक्राउ गरेको हो ।
भदौ २४ मा उनको निवासमा आगजनी गर्दा नेपालीसहित कैयौँ विदेशी मुद्रा फेला पारेको थियो भने उनीमाथि स्काउटको जग्गा हिनामिना गरेको आरोप पनि छ ।

काठमाण्डौं । नेकपा (एमाले) ले अध्यक्ष केपी शर्मा ओलीको रिहाईको माग गर्दै आइतबार देशव्यापी आन्दोलन गर्दैछ ।
शनिबार बसेको केन्द्रीय सचिवालय बैठकले आइतबार जिल्ला सदरमुकाममा विरोध र्‍यालीसहित देशभरका जिल्ला प्रशासन कार्यालयमा विरोधपत्र बुझाउने कार्यक्रम तय गरेको हो।
एमालेका महासचिव शंकर पोखरेलले एमाले अध्यक्ष केपी शर्मा ओलीको गिरफ्दारी र गौरी बहादुर कार्कीको पूर्वाग्रही जाँचबुझ आयोग खारेज गरेर अर्को आयोग गठन गर्न माग गर्दै दिउँसो विरोध प्रदर्शनसहित प्रमुख जिल्ला अधिकारीमार्फत सरकारलाई विरोधपत्र बुझाउने जानकारी दिए।
एमालेले घटनाको निष्पक्ष र न्यायिक छानविनका लागि सर्वोच्च अदालतका बहालवाला न्यायाधीशको अध्यक्षतामा उच्चस्तरीय छानबिन आयोग गठन गर्न माग गरेको छ।
‘२०८२ भदौ २३ र २४ गतेको घटनाको छानविनका लागि तत्कालीन सरकारले गौरीबहादुर कार्कीको अध्यक्षतामा गठन गरेको आयोगप्रति एमालेले विरोध जनाउँदै अध्यक्ष ओलीको पक्राउप्रति आपत्ति जनाएको छ ।
एमालेले अध्यक्ष ओली र नेपाली कांग्रेसका नेता रमेश लेखक माथि गरिएको नियोजित, निर्देशित र गैरकानुनी गिरफ्तारीको विरोध, उनीहरूको रिहाई, कानुनी शासन, लोकतन्त्र र मानवअधिकारको रक्षाको गर्न संयुक्त एवम् प्रभावकारी पहलकदमीका लागि एमाले सडकमा उत्रेको महासतिव पोखरेलको जिकिर छ ।

काठमाडौं । नेकपा (एमाले) को आकस्मिक सचिवालयको बैठक जारी छ । बैठक भर्खरै पार्टी केन्द्रीय कार्यालय च्यासलमा सुरु भएको हो ।
पार्टी अध्यक्ष केपी शर्मा ओली पक्राउ परेपछि एमालेले आकस्मिक सचिवालय बैठक बोलाएको थियो । बैठक सुरु भए पनि केही नेताहरू आउने क्रम भने जारी नै छ ।
ओली गौरीबहादुर कार्की आयोगको सिफारिसका आधारमा पक्राउ परेका हुन् । एमालेका अधिकांश नेताहरूले ओलीको पक्राउ प्रतिशोधपूर्ण रहेको टिप्पणी गरेका छन् । अब भने सचिवालय बैठकले पक्राउबारे औपचारिक धारणा सार्वजनिक गर्नेछ ।

काठमाडौं । नेकपा (एमाले) ले पार्टी अध्यक्ष केपी शर्मा ओली पक्राउको विरोधमा र्‍याली निकाल्न सुरु गरेको छ । यति बेला काठमाडौंको चाबहिल चोकबाट विरोध प्रदर्शन सुरु गरिएको प्रहरीले जनाएको छ ।
१०० भन्दा बढीको संख्यामा प्रदर्शनकारी विरोधमा उत्रिएका छन् । शनिबारै बिहान भक्तपुरको गुन्डुस्थित निवासबाट ओलीलाई प्रहरीले पक्राउ गरेको हो ।
ओलीको प्रक्राउबारे पार्टीको धारणा सार्वजनिक गर्न एमाले सचिवालयको बैठक केन्द्रीय कार्यालय च्यासलमा जारी छ ।

काठमाण्डौं । राष्ट्रिय स्वतन्त्र पार्टी (रास्वपा) ले वरिष्ठ नेता बालेन शाहको नेतृत्वमा बन्ने मन्त्रिपरिष्द्का सदस्यहरूको अन्तिम सूची तयार भएको छ ।
वरिष्ठ नेता शाहले शुक्रबार प्रधानमन्त्रीको शपथग्रहण गर्दै छन् । राष्ट्रपति कार्यालय शीतलनिवासमा मध्याह्न १२ बजेर ३४ मिटनमा उनले शपथग्रहण गर्नेछन् ।
अर्थमन्त्रीमा स्वर्णिम वाग्ले, परराष्ट्रमन्त्रीमा शिशिर खनाल, गृहमन्त्री सुदन गुरुङ, सामान्य प्रशासन मन्त्रीमा प्रतिभा रावल र पर्यटन मन्त्रीमा गणेश पौडेलको नाम पक्का भएको छ ।
यसैगरी अमरेशकुमार सिंह उद्योग मन्त्री बन्दैछन् भने सुनिल लम्शाललाई भौतिक पूर्वाधार मन्त्रालयको जिम्मेवारी पाउँदैछन् । यस्तै उर्जा तथा जलस्रोत मन्त्रीमा विराज भक्त श्रेष्ठ नियुक्त हुँदैछन् भने सीता वादी महिला, बालबालिका तथा ज्येष्ठ नागरिक मन्त्री बन्ने भएकी छन्।
यस्तै सस्मित पोखरेल शिक्षा मन्त्री बन्दैछन् । विक्रम तिमिल्सेनाले सूचना तथा संचार मन्त्रालयको जिम्मेवारी पाउँदैछन् । गीता चौधरी कृषी मन्त्री बन्दैछिन् । यस्तै निशा मेहता स्वास्थ्य तथा जनसंख्या मन्त्री, दिपक शाह श्रममन्त्री बन्ने भएका छन् ।
उपसभापति डिपी अर्याल लाई सभामुख बनाउने निर्णय रास्वपाले गरेको छ ।

काठमाण्डौं । राष्ट्रपति रामचन्द्र पौडेलले प्रधानमन्त्रीमा रास्वपा संसदीय दलका नेता बालेन्द्र शाह (बालेन) लाई नियुक्त गरेका छन् ।
संविधानको धारा ७६ (१) अनुसार प्रतिनिधि सभामा बहुमत प्राप्त दलको नेताको रुपमा उनलाई प्रधानमन्त्री नियुक्त गरेका हुन् ।
नेपालको संविधान २०७२ जारी भएपछि यो धाराको प्रयोग गरी प्रधानमन्त्री नियुक्त भएको पहिलोपटक हो ।