काठमाण्डौं । प्रधानमन्त्री बालेन्द्र शाह ‘बालेन’ प्रधानमन्त्री नियुक्ति भएको १० दिन बितिसक्दासम्म समेत उनले विदेशी राजदूतसँग भेट गरेका छैनन् । अब उनले भोलि बुधबार बिहान परराष्ट्रमन्त्री शिशिर खनाल समेतलाई राखेर विदेशी राजदूतसँग सामूहिक भेटवार्ता गर्ने भएका छन् ।
प्रधानमन्त्रीनिकट स्रोतका अनुसार भोलि बिहान करीब ११ बजेतिर हुने विदेशी राजदूतको सामूहिक भेटवार्तामा पहिलोपटक प्रधानमन्त्री सहभागी हुनेछन् । भारत, चीन, अमेरिका, बेलायत लगायत देशका राजदूतलाई सामूहिक भेटका लागि बोलाइएको छ ।
विगतका प्रधानमन्त्री नियुक्त भएलगत्तै कूटनीतिक मर्यादाविपरीत राजदूतहरूको भीड लाग्ने र बालुवाटारसम्मै सहज पहुँच हुने गरेको अवस्थामा बालेनले राजदूतहरूलाई सहज भेट दिएका छैनन् । बालेनसँगको विदेशी राजदूतको पहिलो भेट सामूहिक रूपमा हुनेछ, जसले गर्दा सबै विदेशी राजदूतले आफ्नो देशको मात्रै स्वार्थ हेरेर कुनै कुरा राख्ने वातावरण बन्ने छैन ।
प्रधानमन्त्री बालेन कूटनीतिक मर्यादा पालनामा प्रतिबद्ध रहेका जनाउँदै उनीनिकट स्रोतले नयाँ प्रधानमन्त्रीले कूटनीतिक सम्बन्धको नयाँ मानक स्थापित गर्न चाहेको जनाएको छ । ‘सामान्य कुराका लागि प्रधानमन्त्रीलाई नै भेट्नुपर्ने हुन्न, परराष्ट्रमन्त्री स्तरमै कतिपय कुरा गर्न सकिन्छ,’ स्रोतले भन्यो, ‘प्रधानमन्त्रीलाई नै भेट्नुपर्ने अत्यावश्यक र गम्भीर विषयबाहेक प्रधानमन्त्रीले विदेशी राजदूतलाई नभेट्ने प्रणाली विकास हुनसक्छ ।’
प्रधानमन्त्री बालेनले विदेशी राजदूतलाई एक्लाएक्लै भेटेनन्, भोलि सामूहिक भेट
‘ज्ञान मसला’को ब्रान्ड एम्बेसडरमा स्वस्तिमा खड्का
काठमाडौं । केएल दुगड ग्रुपअन्तर्गतको ‘ज्ञान मसला’ले अभिनेत्री स्वस्तिमा खड्कालाई आफ्नो ब्रान्ड एम्बेसडर नियुक्त गरेको छ । यस सहकार्यमार्फत कम्पनीले आफ्नो पहिचानलाई थप ऊर्जावान बनाउने र नयाँ पुस्ताका उपभोक्ताहरूसँग बलियो सम्बन्ध स्थाापत गर्ने लक्ष्य राखेको छ ।
सन् १९८९ मा स्थापना भई केएल दुगड ग्रुपले तीन दशकभन्दा बढी समयदेखि नेपाली बजारमा गुणस्तर र विश्वास कायम राखेको कम्पनीले जनाएको छ । कम्पनीका अनुसार ज्ञान ब्रान्डले नेपाली भान्सामा शुद्धता र स्वादको नयाँ मानक स्थापित गरेको छ, र वर्षौँदेखि घरघरमा विश्वासिलो नामका रूपमा चिनिन्छ ।
“स्वस्तिमा खड्कालाई ‘ज्ञान’ परिवारमा स्वागत गन पाउँदा हामी अत्यन्त खुशी छौँ । उहाँको दर्शकसँगको बलियो सम्बन्धले उहाँलाई हाम्रो ब्राण्डका लागि उत्कृष्ट प्रतिनिध बनाएको छ । हामी आफ्ना मूल मान्यताहरूमा अडिग रहँदै अगाडि बढिरहँदा उहाँसँगको सहकार्य झन् अथ पूर्ण हुने विश्वास लिएका छौँ ।” ग्रुपकी कार्यकारी निर्देशक भाविका दुगडले भनिन्।
ज्ञान मसलासँग जोडिन पाउँदा खड्काले खुसी व्यक्त गरेकी छन् । लामो समयदेखि विभिन्न खाद्यान्नको रुपमा आफ्नो घरमा पनि रहेको यस ब्रान्डको शुद्धता र गुणस्तरलाई अझ धेरै उपभोक्तासँग पुर्याउन आफूले भूमिका खेल्ने उनले जनाईन ।
कम्पनीले उपभोक्ताको बदलिँदो स्वाद र आवश्यकतालाई ध्यानमा राख्दै विभिन्न नयाँ प्रकारका मसला उत्पादनहरू बजारमा सार्वजनिक गरिरहेको छ, जसले बजारको मागअनुसार गुणस्तर र सान्दर्भिकता कायम राख्ने लक्ष्य लिएको छ । हाल ज्ञान मसला १४ विभिन्न प्रकारमा उपलब्ध छ ।
केएल दुगड ग्रुपले आफ्नो वृहत् वितरण सञ्जालमार्फत देशभर गुणस्तरीय उत्पादनहरू पुर्याउँदै आएको कम्पनीले जनाएको छ ।
नेप्से र टाइम फर्माबीच आईपीओ निष्काशन गर्न शिलबन्दी बोलपत्र सम्बन्धी सम्झौता
काठमाडौं । नेपाल स्टक एक्सचेञ्ज लिमिटेड र टाइम फर्मास्युटिकल्स लिमिटेड बिच शिलबन्दी बोलपत्र सम्बन्धी कार्य सञ्चालन सम्झौता सम्पन्न भएको छ ।
नवलपरासी जिल्ला गैडाकोट न.पा वडा नं. ०४, स्थित श्री टाइम फर्मास्युटिकल्स लिमिटेडले प्रति शेयर अंकित मूल्य रु. १००( दरको ४,३४,६०० कित्ता साधारण शेयर बुक बिल्डिङ्ग बिधि मार्फत योग्य संस्थागत लगानीकर्ताहरुको लागि शिलबन्दि बोलपत्र दर्ता गर्ने, बोलपत्र खोल्ने र सो को निर्णय गर्ने कार्य गर्नको लागि नेप्सेले सहजिकरण गर्ने लगायतका अन्य शर्तहरु पालना गर्ने गरी नेपाल स्टक एक्सचेञ्ज लिमिटेडसँग शिलबन्दी बोलपत्र सम्बन्धी कार्य सञ्चालन सम्झौता सम्पन्न भएको छ ।
उक्त सम्झौता कार्यक्रममा नेपाल स्टक एक्सचेञ्जको तर्फबाट प्रमुख कार्यकारी अधिकृत चुडामणी चापागाई र टाइम फर्मास्युटिकल्स लिमिटेडका तर्फबाट प्रबन्ध सञ्चालक सुदर्शन लाल श्रेष्ठले हस्ताक्षर गरेका छन् । साथै कम्पनीको तर्फबाट कम्पनी सचिव अधिवक्ता सुदिप घिमिरे र शेयर बिक्री प्रबन्धक नबिल इन्भेष्टमेन्टको तर्फबाट मनोहर कँडेलको उपस्थिति थियो ।
टाइम फर्मास्युटिकल्स लिमिटेडले रु. १०,८६,५०,०००(अक्षरेपी दश करोड छयासी लाख पचास हजार मात्र) रकम बराबरको १०,८६,५०० कित्ता साधारण शेयर बुक बिल्डिङ्ग बिधि मार्फत शेयर निष्काशन गर्ने तयारी गरेको छ । उक्त शेयर मध्ये ४० प्रतिशत शेयर योग्य संस्थागत लगानीकर्ताहरुका लागि र बाँकी ६० प्रतिशत शेयर सर्वसाधारणको लागि सार्वजनिक निष्काशनद्घारा बिक्री गरिने कम्पनीले जनाएको छ । उक्त शेयर जारी पश्चात् कम्पनीको चुक्ता पूँजी रु. ५३,००,००,०००।(अक्षरेपी त्रिपन्न करोड मात्र) हुनेछ ।
टाइम फर्मास्युटिकल्स विगत ३० बर्ष देखि नवलपरासी जिल्लाको गैंडाकोट न.पा वडा नं ०४ मा केन्द्रिय कार्यालय तथा गैंडाकोट न.पा वडा नं १० मा उत्पादन प्लान्ट (उद्योग) साथै ललितपुर सातदोवाटोमा मार्केटिङ्ग कार्यालय स्थापना गरी करिब ३०० जना कर्मचारीहरुलाई प्रत्यक्ष रोजगारी दिई करिब २०० भन्दा बढि गुणस्तरीय औंषधीहरु उत्पादन गरीरहेको डब्लूएचओ–जीएमपी प्रमाणित कम्पनी हो ।
नवनियुक्त डेपुटी गभर्नर पण्डितद्वारा शपथ ग्रहणसँगै पदबहाली
काठमाण्डौं । नेपाल राष्ट्र बैंकका नवनियुक्त डेपुटी गभर्नर किरण पण्डितले मंगलबार शपथ ग्रहण गरेलगत्तै पदबहाली गरेका छन् ।
मंगलबार गभर्नर प्रा.डा. विश्वनाथ पौडेलसमक्ष पद तथा गोपनीयताको शपथ लिएसँगै पण्डितले पदबहाली गरेका हुन् ।
पण्डितलाई डेपुटी गभर्नरमा नियुक्त गर्ने निर्णय नेपाल सरकार (मन्त्रिपरिषद्) को २०८२ चैत २४ गतेको थियो । शपथ ग्रहण समारोहमा गभर्नर पौडेलले पण्डितलाई बधाई ज्ञापन गर्दै सफल कार्यकालको शुभकामना दिएका थिए ।
डेपुटी गभर्नर पण्डितले २०६२ माघ २ गते सहायक निर्देशकबाट बैंक सेवा यात्रा सुरु गरेका थिए । त्यसपछि उनी २०६८ सालमा उपनिर्देशक, २०७४ सालमा निर्देशक, र २०८१ फागुन १ गते कार्यकारी निर्देशकमा पदोन्नत भएका थिए ।
कार्यकारी निर्देशक रहँदा उनले भुक्तानी प्रणाली विभाग, विदेशी विनिमय व्यवस्थापन विभागको नेतृत्वका साथै बैंकको प्रवक्ताको जिम्मेवारी पनि सम्हालेका थिए ।
अब नेपाल टेलिकमको डाटा सकिँदा स्वतः पैसा नकाटिने
काठमाण्डौं । नेपाल टेलिकमले मोबाइल डाटा सकिँदा स्वतः पैसा काटिने प्रणालीको अन्त्य गरेको छ । कम्पनीले सेवा प्रवाहलाई प्रभावकारी बनाउन स्वतः पैसा काटिने प्रणालीको अन्त्य गरेको हो ।
यसको सट्टा ग्राहकले थप पारदर्शी र आफैँ छान्न सक्ने विकल्पसहितको सेवा पाउनेछन् । अब ग्राहकले लिएको डाटा प्याकेजको ९० प्रतिशत खपत भएपछि पूर्वसूचना दिइनेछ । जसले बाँकी डाटा कति छ भन्ने जानकारी समयमै दिन्छ ।
यससँगै ‘पे–एज–यू–गो’ (पिएवाईजी) अर्थात् डाटा प्याकेजबिनै इन्टरनेट चलाउने र रकम काट्ने विकल्प उपलब्ध गराइएको छ । जसले ग्राहकलाई प्याकेजबिना पनि आवश्यकताअनुसार इन्टरनेट प्रयोग गर्नसक्ने सुविधा दिन्छ । साथै, ग्राहकले नयाँ प्याकेज लिने वा सिधै पिएवाइजी मोडमा जाने भन्ने निर्णय आफैँ गर्न सक्नेछन् ।
नेपाल टेलिकमका प्रवक्ता रवीन्द्र मानन्धरका अनुसार यो प्रणाली हाल परीक्षण चरणमा रहेको र केही दिनभित्रै पूर्ण रूपमा लागू हुनेछ ।
उनका अनुसार ‘युएसएसडि’मार्फत खरिद गरिने डाटा प्याकमा यो सुविधा तीनदेखि पाँच दिनभित्र लागू हुनेछ भने नेपाल टेलिकमको मोबाइल एप प्रयोग गर्ने ग्राहकका लागि सातदेखि १० दिनभित्र कार्यान्वयनमा आउनेछ ।
यसले डिजिटल माध्यममार्फत सेवा प्रयोग गर्ने ग्राहकहरूलाई अझ सहज अनुभव दिने विश्वास लिइएको छ ।
यस्तै सञ्चार तथा सूचना प्रविधिमन्त्री डा. विक्रम तिमिल्सिनाको निर्देशनमा ग्राहक सेवा, मोबाइल डेटा व्यवस्थापन, डिजिटल सेवा विस्तार र प्रशासनिक प्रक्रियामा सुधार ल्याउने उद्देश्यले व्यापक रूपान्तरण प्रक्रिया अघि बढाइएको छ ।
सञ्चार मन्त्रालयले ‘नतिजामा आधारित शासकीय व्यवस्थापन प्रणाली’ लागू गर्ने उद्देश्यसहित १० बुँदे सुधारात्मक कार्ययोजना ल्याएको छ । यस योजनामा नेपाल टेलिकमको सेवा सुधारलाई पनि प्राथमिकतामा राखिएको छ । यसअन्तर्गत ग्राहक सेवालाई सहज, पारदर्शी र प्रविधिमैत्री बनाउने लक्ष्य लिइएको छ । विगतमा सेवा अवरोध, ढिलो प्रतिक्रिया, अनावश्यक प्रक्रियागत झन्झट र ग्राहकको गुनासो समाधानमा ढिलाइजस्ता समस्या बारम्बार उठ्दै आएका थिए ।
यिनै समस्यालाई सम्बोधन गर्न अहिले मन्त्रालय र कम्पनी दुवैले समन्वयात्मक ढंगले काम गरिरहेका छन् ।
परराष्ट्रमन्त्री खनालको पहिलो विदेश भ्रमण, पर्सि मौरिसस जाँदै
काठमाण्डौं । परराष्ट्रमन्त्री शिशिर खनाल मौरिसस जाने भएका छन् । चैत २७ र २८ गते मौरिससमा आयोजना हुने नवौं पश्चिमी हिन्द महासागर सम्मेलन (इन्डियन ओसियन कन्फरेन्स) मा सहभागी हुन मन्त्री खनाल बिहीबार मौरिसस जान लागेका हुन् ।
परराष्ट्रमन्त्रीको यो पहिलो विदेश भ्रमण हो ।
मौरिसस सरकार र भारतीय विदेश मन्त्रालयको सहयोगमा दिल्लीस्थित ‘थिंक ट्यांक’ इन्डिया फाउन्डेसनले उक्त कार्यक्रम आयोजना गर्न लागेको हो । नवौं संस्करणको मुख्य नारा ‘हिन्द महासागरको सुशासनका लागि सामूहिक जिम्मेवारी’ रहेको छ ।
परराष्ट्र मन्त्रालयका प्रवक्ता लोकबहादुर पौडेल क्षेत्रीले मन्त्री खनाल सम्मेलनमा सहभागी हुन मौरिसस जान लागेको जानकारी दिए । कार्यक्रममा भारतका विदेशमन्त्री एस। जयशंकरसहित विभिन्न मुलुकका मन्त्रीहरू सहभागी हुँदै छन् । मन्त्री खनालले भारतीय समकक्षी जयशंकरसँग ‘साइड लाइन’ भेटवार्तासमेत गर्नेछन् । अन्य मुलुकबाट आएका नेताहरूसँग पनि मन्त्री खनालको भेट हुने परराष्ट्र मन्त्रालयले जनाएको छ ।
सम्मेलनमा बंगलादेशका विदेशमन्त्री खलिलुर रहमान, श्रीलंकाका विदेशमन्त्री विजिथा हेराथ, भुटानका विदेशमन्त्री डीएन ढुंगेल, ओमानका विदेशमन्त्री बद्र हमाद अल बुसैदी, सेसेल्सका विदेशमन्त्री ब्यारी फाउरलगायतले पनि सम्बोधन गर्नेछन् । त्यस्तै कम्बोडिया, इजिप्ट, माडागास्कर, साउदी अरेबिया, सिंगापुर, कोम्बो, थाइल्यान्ड, यूकेका अधिकारीहरू पनि सहभागी हुने आयोजक इन्डिया फाउन्डेसनले उल्लेख गरेको छ ।
इन्डिया फाउन्डेसनले सन् २०१६ देखि यो कार्यक्रम गर्दै आएको छ । सम्मेलनमा नेपालका तर्फबाट सहभागिता रहँदै आएको छ । गतवर्ष फेब्रुअरीमा मस्कटमा भएको आठौं सम्मेलनमा तत्कालीन परराष्ट्रमन्त्री आरजु राणा देउवा सहभागी भएकी थिइन् ।
हिन्द महासागर क्षेत्रमा सुरक्षा र स्थिरता, समुद्री व्यापार, आर्थिक सहकार्य, जलवायु परिवर्तन र समुद्री स्रोतको संरक्षणमा संयुक्त रणनीति बनाउने उद्देश्य लिएर यस कार्यक्रमको आयोजना गरिँदै आएको छ ।
८ वर्षमा यो सम्मेलन हिन्द महासागर क्षेत्रका मुलुकहरूका लागि पारस्परिक मुद्दाहरूमा छलफल गर्ने प्रमुख मञ्च बनेको इन्डिया फाउन्डेसनको वेब साइटमा उल्लेख छ ।
क्षेत्रीय सुरक्षा र विकासका लागि सहयोगको सम्भावनाहरूमाथि छलफल गर्न यस क्षेत्रका साझेदारहरूलाई साझा मञ्चमा ल्याउने कार्य सम्मेलनले गर्दै आएको पनि फाउन्डेसनले जनाएको छ ।
काठमाडौंमा प्रहरीले चलायो गोली, दुई जना पक्राउ
काठमाडौं । काठमाडौंमा लागुऔषध कारोबारीलाई पक्राउ गर्ने क्रममा प्रहरीले गोली चलाएको छ ।
लागुऔषध नियन्त्रण ब्यूरोको टोलीले गएराति पिंगलास्थान क्षेत्रमा गोली चलाएर दुई जना भारतीय नागरिकलाई नियन्त्रणमा लिएको प्रहरीले जनाएको छ ।
पक्राउ परेकामाथि थप अनुसन्धान भइरहेको प्रहरीले जनाएको छ ।
प्रतिनिधिसभाको बैठक बस्दै, यस्तो छ कार्यसूची
काठमाडौं । संघीय संसद् प्रतिनिधिसभाको बैठक आज बस्दैछ । सिंहदरबारस्थित निर्माणाधीन संघीय संसद् भवनको बहुउद्देश्यीय हलमा दिउँसो १ बजे बैठक बस्नेछ ।
आजको बैठकमा राष्ट्रियसभाबाट प्राप्त ‘राष्ट्रिय विधि विज्ञान प्रयोगशाला (स्थापना तथा सञ्चालन) विधेयक, २०८१’, ‘पर्यटन विधेयक, २०८१’ र ‘चलचित्र विधेयक, २०८१’ टेबुल गर्ने सम्भावित कार्यसूची छ ।
आजदेखि सरकारी कार्यालय बिहान ९ बजेदेखि बेलुकी ५ बजेसम्म खुला रहने
काठमाण्डौं । सरकार मातहतका कार्यालयहरू सोमबारदेखि बिहान ९ बजे नै खुल्ने भएको छ । कार्यालय बेलुकी ५ बजेसम्म खुला रहने छ ।
इन्धन खपत घटाउनको लागि सरकारले हप्तामा दुई दिन शनिबार र आइतबार बिदा दिने तथा सरकारी कार्यालय बिहान ९ बजेदेखि बेलुकी ५ बजेसम्म सञ्चालन गर्ने निर्णय गरेको हो ।
आइतबार बसेको मन्त्रिपरिषदले गरेको निर्णयअनुसार सोमबारदेखि सरकारी कार्यालय तथा सार्वजनिक निकाय सञ्चालनको समय बिहान ९ बजेदेखि बेलुकी ५ बजेसम्म कायम हुनेछ ।
मन्त्रिपरिषदको निर्णय गृह मन्त्रालयले राजपत्रमा प्रकाशन गरेर सरकारी कार्यालय, सार्वजनिक निकाय तथा शैक्षिक संस्थाहरूमा शनिबार र आइतबार बिदा दिने, शैक्षिक संस्थाबाहेक कार्यालय तथा निकायहरू सञ्चालनको समय बिहान ९ बजेदेखि बेलुकी ५ बजेसम्म कायम हुने जनाएको हो ।
कात्तिक १६ गतेदेखि माघ १५ गतेसम्म भने कार्यालय समय बिहान ९ बजेदेखि दिउँसो ४ बजेसम्म कायम गर्ने राजपत्रमा उल्लेख छ ।
यसैबीच राष्ट्र बैंकले पनि आइतबारदेखि बिहीबारसम्म बिहान ९ बजेदेखि ४ बजेसम्म र शुक्रबार बिहान ९ बजेदेखि ३ बजेसम्म कार्यालय सञ्चालन गर्न परिपत्र गरेको छ।
ओली र लेखकको बन्दीप्रत्यक्षीकरण रिट ः सुनुवाइ आज निरन्तर
काठमाडौं । पूर्वप्रधानमन्त्री केपी शर्मा ओली र पूर्वगृहमन्त्री रमेश लेखकको बन्दीप्रत्यक्षीकरण रिटको सुनुवाइ आज पनि निरन्तर हुने भएको छ ।
आइतबार सर्वोच्च अदालतका न्यायाधीश विनोद शर्मा र न्यायाधीश सुनिलकुमार पोखरेलको इजलासमा सुनुवाइ भएको थियो ।
ओली र लेखकको तर्फबाट कानुन व्यवसायीहरूको बहस सकिएको छ । आज महान्यायाधिवक्ता कार्यालयका तर्फबाट सरकारी वकिलले बहस गर्नेछन् । सम्भवतः आजै निर्णय आउन सक्नेछ ।
भदौ २३ र २४ को घटनामा जाँचबुझका लागि गठित आयोगको सिफारिसअनुसार, ओली र लेखक अनुसन्धानका लागि पक्राउ परेका थिए । दुवै जना चैत १४ गते बिहान पक्राउ परेका थिए ।
लेटेष्ट समाचार
जन्ती बोकेको गाडी दुर्घटना हुँदा ४ जनाको मृत्यु, ७ घाइते
अतिक्रिमित घरटहरा भत्काएर वीरगञ्जको मुख्य सडक विस्तार सुरु
