काठमाडौं । एनएमबि बैंकले काठमाडौं इन्स्टिच्युट अफ चाइल्ड हेल्थलाई २५ लाख रुपियाँ सहयोग गरेको छ ।
एनएमबि बैंकका प्रमुख कार्यकारी अधिकृत सुनिल केसी र काठमाडौं इन्स्टिच्युट अफ चाइल्ड हेल्थका अध्यक्ष डा. भगवान कोइरालाबीच सहमति आदनप्रदान भएको छ ।
उक्त सहयोग रकमले अस्पतालमा बालमैत्री वार्ड निर्माण गर्न मद्दत पुग्नुका साथै बाल स्वास्थ्य सुधारमा सहयोग पुग्ने बैंकको विश्वास छ ।
बैंकले देशभरका २०१ शाखा, १७१ एटीएम र १२ एक्सटेन्सन काउन्टरमार्फत उच्चस्तरीय सेवा प्रदान गर्दै आएको छ ।

काठमाडौं । कुमारी बैंकका चार जना संस्थापक सेयरधनीले ६६ हजार ७६९ कित्ता सेयर बिक्री गर्न खोजेका छन् ।
बैंकका चार जना संस्थापक सेयरधनीले सेयर बिक्री गरेर बाहिरिन खोजेपछि बैंकले सूचना जारी गरेको छ । सेयर बिक्री गर्न खोज्नेमा सुर्खेत जिल्ला वीरेन्द्रनगर–५ का तुलाराम सिजाली, काठमाडौं–५ हाँडीगाँउका प्रताप मेहेर श्रेष्ठ, भक्तपुर –३ गठ्ठाघरमा बुद्धि बहादुर श्रेष्ठ र सुर्खेत जिल्लाका पदमपुरका अम्बर बहादुर तारमी मगर रहेका छन् ।
बैंकका अनुसार सिजालीले ३ हजार १६६ कित्ता, प्रताप मेहेरले ७ हजार ४१४ कित्ता, बुद्धिले ५४ हजार ९८२ कित्ता र तारमी मगरले १ हजार २०७ कित्ता सेयर बिक्री गर्न लागेका छन् ।
नेपाल राष्ट्र बैंकबाट जारी निर्देशन बमोजिम बिक्री गर्न प्रस्ताव गरिएको संस्थापक शेयर खरिद गर्ने पहिलो हक विद्यमान संस्थापकहरुमा रहने हुँदा उक्त सेयर खरिद गर्न इच्छुक विद्यमान संस्थापक शेयरधनीहरुले ३५ दिन भित्र आवेदन दिन माग गरेको छ ।
आवेदन बैंकको सेयर रजिष्ट्रार, कुमारी क्यापिटल वा कुमारी बैंकको प्रधान कार्यालय काठमाडौंमा आवेदन दिनुहुन यो सूचना प्रकाशित गरिएको छ । सेयरको बिक्री मूल्य बिक्रेताले तोके बमोजिम हुनेछ । म्याद भित्र विद्यमान संस्थापकहरुबाट आवेदन नपरेमा सर्वसाधारणले आवेदन दिन सक्नेछन् ।

काठमाडौं । प्रभु इन्स्योरेन्स कम्पनीको सीईओमा सन्चित बज्राचार्यको कार्यकाल थप भएको छ ।
आगामी माघ १ गतेदेखि लागू हुने गरी आगामी ४ वर्षका लागि बज्राचार्यलाई नयाँ कार्यकाल लागि सीईओ नियुक्त गर्ने निर्णय भएको कम्पनी सचिव अरबिन्दकुमार कर्णले जनाएका छन् ।

काठमाडौं । कामना सेवा विकास बैंक शाखा कार्यालय बिर्तामोड, झापा मार्फत हिमशिखर टोल विकास संस्थालाई १० थान डस्टबिन हस्तान्तरण गर्नुका साथै सरसफाई कार्यक्रम सम्पन्न भएको छ ।
बैंकका शाखा कार्यालय बिर्तामोडका शाखा प्रमुख मोदनाथ गुरागाईले हिमशिखर टोल विकास संस्थाको अध्यक्ष देवराज प्रसाईको उपस्थितिमा सरसफाई कार्यक्रम तथा डस्टबिन हस्तान्तरण गरिएको हो ।
उक्त कार्यक्रममा स्थानीय महानुभावहरु नजिकका संस्थाहरूका विशेष आमन्त्रितहरूको साथै बैंकका कर्मचारीहरुको उपस्थिती रहेको थियो ।