काठमाडौं । प्रभु इन्स्योरेन्स लिमिटेडले गत वर्षको वितरणयोग्य मुनाफाबाट शेयरधनीलाई लाभाशं दिने निर्णय गरेको छ । कम्पनीको फागुन २० गते बसेको संचालक समितिको बैठकले यस्तो निर्णय गरेको हो ।
कम्पनीले चुक्ता पूँजी एक अर्ब ३७ करोड ६१ लाख २२ हजार २६० रुपैयाँको ४.७५ प्रतिशत बोनस र सोमा लाग्ने कर बापत ०.२५ प्रतिशत नगद गरी जम्मा पाँच प्रतिशत लाभांश वितरण गर्ने निर्णय गरको हो ।
प्रस्तावित लाभांश नियामक निकाय नेपाल बीमा प्राधिकरणले स्वीकृत गरी आगामी साधारण सभाले पारित गरेपश्चात् शेयरधनीमा वितरण गरिने कम्पनीले जानकारी दिएको छ ।

काठमाडौं । सूर्यज्योति लाइफले आर्थिक वर्ष २०७९, ८० को वित्तीय विवरणमा आधारित नयाँ बोनस दर सार्वजनिक गरेको छ । नेपाल बीमा प्राधिकरणबाट आइतबार स्वीकृत भएको नयाँ बोनस दरअनुसार बीमितले प्रतिवर्ष न्यूनतम ४० र अधिकतम ९० रुपियाँसम्म दरले बोनस पाउने भएका छन् ।
बिमितले सावधिक जीवन बीमा योजनाअन्तर्गत न्यूनतम ४३ रुपियाँदेखि अधिकतम ७५ रुपियाँसम्म बोनस पाउनेछन् । यसमा सुरक्षित बचत, जीवन बीमा योजना–०१, सुनौलो भविष्य बाल जीवन बीमा योजना–०५, एकल तथा सीमित अवधि भुक्तानी ९विकल्प १० योजना–०६ र एकल तथा सीमित अवधि भुक्तानी (विकल्प २) योजना–०७ जस्ता बीमा योजना रहेका छन् ।
त्यस्तै, संरक्षित सावधिक जीवन बीमा योजना–५१, सिमित अवधि भुक्तानी जीवन बीमा योजना–५३, संरक्षित बाल जीवन बीमा योजना–७१, सामूहिक सावधिक जीवन बीमा योजना–९१, सावधिक जीवन बीमा योजना–१५१ र सावधिक लघु जीवन बीमालेख–१८१ सावधिक बीमा योजनामा बिमितले न्यूनतम ४० रुपियाँदेखि अधिकतम ७० रुपियाँसम्म बोनस पाउनेछन् ।
त्यसैगरी, सावधिक तथा आजीवन बीमा योजनाको सुरक्षित भविष्य जीवन बीमा योजना–०३ मा बिमितले बीमा अवधिअनुसार न्यूनतम ४३ रुपियाँदेखि अधिकतम ७५ रुपियाँसम्म बोनस पाउने भएका छन् । साथसाथै, सावधिक तथा आजीवन बीमा योजनाकै सुदर्शन सावधिक तथा आजीवन बीमा–५२ मा भने बिमितले बीमा अवधिअनुसार न्यूनतम ४० रुपियाँदेखि अधिकतम ७० रुपियाँसम्म बोनस पाउने कम्पनीले जानकारी दिएको छ ।
त्यस्तै, अग्रीम भुक्तानी सावधिक बीमा योजनाअन्तर्गत धनलाभ जीवन बीमा योजना–०२ र ‘थ्री–२०’ धनबहार जीवन बीमा योजना–०९ मा न्यूनतम ४३ रुपियाँदेखि अधिकतम ५० रुपियाँसम्म बोनस पाउने भएका छन् । अग्रिम भुक्तानी सावधिक बीमा योजनाकै आसाधन अग्रीम भुक्तानी जीवन बीमा योजना–६१–६२, धनवृद्धि जीवन बीमा योजना ९अग्रिम भुक्तानी०–६३–६४–६५, सजिलो (वार्षिक) भुक्तानी जीवन बीमा योजना–६६ र अग्रीम भुक्तानी बाल जीवन बीमा योजना–७३ मा बिमितलाई कम्पनीले बीमा अवधिअनुसार न्यूनतम ४२ रुपियाँदेखि अधिकतम ६० रुपियाँसम्म बोनस दिने भएको छ ।
चौरासी पुजा अग्रिम भुक्तानी (नियमित) बीमा योजनामा न्यूनतम ४५ रुपियाँदेखि अधिकतम ७० रुपियाँसम्म, चौरासी पुजा अग्रिम भुक्तानी (एकल) बीमा योजनामा न्यूनतम ७५ रुपियाँदेखि अधिकतम ९० रुपियाँसम्म र इजी–पे अग्रीम भुक्तानी बीमा योजनामा बीमितले न्यूनतम २० रुपियाँदेखि अधिकतम ३० रुपियाँसम्म बोनस प्राप्त गर्न सक्नेछन् ।
माथि उल्लखिति बोनस दर, मृत्यु दाबी, पूर्ण वा आंशिक अवधि भुक्तानी दाबी, समर्पण मूल्य दाबी, चुक्ता मूल्य दाबी, तथा चालू बीमालेखमा समेत लागू हुनेछन् । त्यस्तै, नियामक निकाय नेपाल बीमा प्राधिकरणबाट अर्को बीमाङ्कीय मूल्याङ्कन स्वीकृत नहुँदासम्म्मका लागि यही बोनस दर कायम हुने कम्पनीले जनाएको छ ।

काठमाडौं । नेपाल इन्भेष्टमेन्ट मेगा बैंकको साधारणसभा बस्ने भएको छ । सभा चैत २० गते बिहान १० बजेदेखि नेपाल प्रज्ञा प्रतिष्ठान, कमलादी काठमाडौंमा सुरु हुने बैकले जानकारी दिएको छ । बैंकले यो वर्ष लाभांश प्रस्ताव नगरी एजीएम बोलाएको हो ।
सभा प्रयोजनार्थ बैंकले फागुन २४ गतेदेखि चैत २० गतेसम्म बुक क्लोज गर्ने भएको छ । तसर्थ फागुन २३ गतेसम्म कायम सेयरधनीले सभामा भाग लिन सक्नेछन् ।
सभामा गत आर्थिक वर्षको वार्षिक प्रतिवेदन, नाफा–नोक्सान हिसाब, नगद प्रवाह विवरण लगायतमा पनि छलफल हुनेछ । साथै, साधारण सभाले संस्थापकतर्फ ४ जना र सर्वसाधारण २ जना सञ्चालक निवार्चन गर्ने जनाईएको छ ।