काठमाडौं । सत्ता गठबन्धनको बैठक आज बस्दै छ ।
बैठक दिउँसो ३ बजे प्रधानमन्त्रीको सरकारी निवास बालुवाटारमा बस्ने प्रधानमन्त्रीको सचिवालयले जानकारी दिएको छ ।
बैठकमा पछिल्लो राजनीतिक घटनाक्रम, सरकारको काम कारबाहीलगायतका विषयमा छलफल हुने जनाईएको छ ।

काठमाण्डौं । प्रमुख प्रतिपक्षी माओवादी केन्द्रले सरकारविरुद्ध शनिवार खबरदारी सभा गर्न लागेको छ ।
सभालाई अध्यक्ष पुष्पकमल दाहालले सम्वोधन गर्नेछन् । प्रदर्शनीमार्गमा हुने विरोध सभालाई माओवादी केन्द्रले ‘खबरदारी सभा’ नाम दिएको छ । यो प्रदर्शन भ्रष्टाचार र बेथितिविरुद्ध केन्द्रित हुने माओवादी केन्द्रका उपाध्यक्ष अग्नि सापकोटाले जानकारी दिए । सभाका लागि राष्ट्रिय सभागृह अगाडिको सडकमा मञ्च तयार गरिएको छ ।
प्रदर्शनमा ३० हजार कार्यकर्ता काठमाडौंमा उतार्ने माओवादीको तयारी छ । प्रदर्शनमा पार्टीका सबै जनवर्गीय संगठनलाई सहभागी हुन माओवादी केन्द्रले निर्देशन दिएको छ ।
माओवादीले भ्रष्टाचार र बेथितिविरुद्ध देशैभरी कार्यक्रम गर्ने जनाएको छ । शनिबार बिहान साढे ११ बजे भद्रकाली, सुन्धारा र काठमाडौं मल अगाडि कार्यकर्ताहरू भेला हुनेछन् । त्यसपछि जुलुस सुरु हुनेछ । जुलुस रत्नपार्क, बागबजार, पुतलीसडक, पद्मोदय मोड हुँदै भृकुटीमण्डप अगाडीको सडकमा पुगेर सभामा परिणत हुने छ ।
उपाध्यक्ष सापकोटाले सरकारले सय दिनमा गरेका काम विरोध सभामै सुनाउने जनाए । सापकोटाका अनुसार प्रदर्शनी मार्गमा हुने जनप्रदर्शनमा सरकारको जनविरोधी क्रियाकलापको भण्डाफोर गरिनेछ ।
सभामा ३० देखि ३५ हजार जना सहभागी हुने अनुमान गरिएको सापकोटाले जनाए । ‘सुरुमा २०–२५ हजार जम्मा हुन्छन् होला भन्ने लागेको थियो, तर अहिले त्यो बढेर ३०–३५ हजार हुन्छन् हाम्रो अनुमान छ’, उनले भने ।

पोखरा। पोखराको सूर्यदर्शन सहकारी ठगी प्रकरणमा पक्राउ परेका राष्ट्रिय स्वतन्त्र पार्टी रास्वपाका सभापति तथा गोर्खा मिडियाका पूर्वसञ्चालक एवं प्रबन्ध निर्देशक रवि लामिछानेलाई सहकारी ठगी र संगठित अपराधको मुद्दामा थप अनुसन्धानका लागि आज कास्की जिल्ला अदालतमा उपस्थित गराइने भएको छ ।
प्रहरी र सरकारी वकिल कार्यालयले लामिछानेको बयान कार्य सम्पन्न नभएको जनाउँदै थप हिरासत म्यादको माग गर्ने तयारी गरेका छन् ।
जिल्ल प्रहरी कार्यालय कास्कीका प्रहरी नायव उपरीक्षक वसन्तकुमार शर्माले लामिछानेलाई आज म्याद थपका लागि जिल्ला अदालतमा उपस्थित गराइने जानकारी दिए ।
जिल्ला न्यायाधिवक्ता कमला काफ्लेका अनुसार अनुसन्धान प्रक्रियामा प्रमाण संकलन र आवश्यक कागजात प्राप्तिलाई प्राथमिकता दिइएकोले बयान प्रक्रिया दोस्रो प्राथमिकतामा परेको छ । उनले लामिछानेले बयान प्रक्रियामा सहयोग गरिरहेको र यो उनको दायित्व तथा कर्तव्य पनि रहेको जनाईन।
गत कात्तिक २ मा काठमाडौंबाट पक्राउ परेका लामिछानेसँगै सूर्यदर्शन सहकारीको रकम अपचलनको आरोपमा असोज १३ मा पक्राउ परेकी लिला पछाईंलाई पनि आजै म्याद थपका लागि अदालत लगिँदैछ ।

काठमाण्डौं । आफ्ना सभापति रवि लामिछानेको पक्राउको विरोधमा प्रदर्शन गरिरहेको रास्वपाले अब काठमाडौं केन्द्रित प्रदर्शन गर्ने भएको छ ।
सभापति लामिछाने पक्राउको विरोधमा रास्वपाले आज पोखरामा अन्तिम प्रदर्शन गर्दैछ । पार्टीले पोखरामा आज अन्तिम प्रदर्शन भएको र त्यसपछि काठमाडौँ केन्द्रित प्रदर्शन सुरु गर्ने पनि जनाईएको छ ।
सरकारले नयाँ वैकल्पिक दललाई दबाउन खोजेको र सभापतिलाई जानाजान थुनामा राखेको रास्वपाले भनेको छ ।
पोखरामा जारी प्रदर्शनको अन्तिम दिन पत्रकार सम्मेलन गर्दै रास्वपाका नेताहरू पार्टीले सहकारीको मुद्दालाई सडक र सदनबाट निरन्तर उठाउने जानकारी दिएको छ ।
प्रवक्ता मनिष झाले भने, ‘संयमित भएर हामीले प्रदर्शन गरिरहेका छौं ।’उनले एमाले र कांग्रेसका कार्यकर्ताहरू सहकारी पीडितको मुकुट ओढेर सडकमा उभिने गरेको आरोप लगाए ।
रास्वपाको प्रदर्शनमा एउटा बिरुवा पनि नकुल्चेर प्रदर्शन भएको भन्दै प्रवक्ता झाले प्रदर्शनका क्रममा कोही घाइते समेत नभएको भन्दै सहकारी पीडितहरूलाई काग्रेस र एमालेको भर नपर्न आग्रह गरे ।
प्रवक्ता झाले आफूहरू आफ्नो नेता रवि लामिछानेलाई छुटाउन पोखरा नआएको समेत जनाए । ‘हामी एउटा कानुनी प्रक्रिया अनुसार होस्, राजनीतिक प्रतिशोध नहोस् भनेर आएको हो’, उनले भने,‘ राजनीतिक प्रतिशोध छ भन्ने कुरा म प्रमाणित गर्न सक्छु,’ उनले भने ।रास्वपाले अब काठमाडौँ केन्द्रित प्रदर्शन गर्ने
काठमाण्डौं । आफ्ना सभापति रवि लामिछानेको पक्राउको विरोधमा प्रदर्शन गरिरहेको रास्वपाले अब काठमाडौं केन्द्रित प्रदर्शन गर्ने भएको छ ।
सभापति लामिछाने पक्राउको विरोधमा रास्वपाले आज पोखरामा अन्तिम प्रदर्शन गर्दैछ । पार्टीले पोखरामा आज अन्तिम प्रदर्शन भएको र त्यसपछि काठमाडौँ केन्द्रित प्रदर्शन सुरु गर्ने पनि जनाईएको छ ।
सरकारले नयाँ वैकल्पिक दललाई दबाउन खोजेको र सभापतिलाई जानाजान थुनामा राखेको रास्वपाले भनेको छ ।
पोखरामा जारी प्रदर्शनको अन्तिम दिन पत्रकार सम्मेलन गर्दै रास्वपाका नेताहरू पार्टीले सहकारीको मुद्दालाई सडक र सदनबाट निरन्तर उठाउने जानकारी दिएको छ ।
प्रवक्ता मनिष झाले भने, ‘संयमित भएर हामीले प्रदर्शन गरिरहेका छौं ।’उनले एमाले र कांग्रेसका कार्यकर्ताहरू सहकारी पीडितको मुकुट ओढेर सडकमा उभिने गरेको आरोप लगाए ।
रास्वपाको प्रदर्शनमा एउटा बिरुवा पनि नकुल्चेर प्रदर्शन भएको भन्दै प्रवक्ता झाले प्रदर्शनका क्रममा कोही घाइते समेत नभएको भन्दै सहकारी पीडितहरूलाई काग्रेस र एमालेको भर नपर्न आग्रह गरे ।
प्रवक्ता झाले आफूहरू आफ्नो नेता रवि लामिछानेलाई छुटाउन पोखरा नआएको समेत जनाए । ‘हामी एउटा कानुनी प्रक्रिया अनुसार होस्, राजनीतिक प्रतिशोध नहोस् भनेर आएको हो’, उनले भने,‘ राजनीतिक प्रतिशोध छ भन्ने कुरा म प्रमाणित गर्न सक्छु,’ उनले भने ।

सत्ता गठबन्धनको बैठक ९ बजेपछि बालुवाटारमा बस्दै
काठमाडौं । प्रधानमन्त्री केपी शर्मा ओलीले सत्तारुढ दलहरूको बैठक बोलाएका छन् ।
बैठक अहिले बिहान ९ बजेपछि प्रधानमन्त्री निवास बालुवाटारमा बस्न लागेको प्रधानमन्त्रीको सचिवालयले जानकारी दिएको छ ।
बैठकमा पछिल्लो समसामयिक राजनीतिक विषयमा छलफल हुने जनाईएको छ ।