काठमाडौं । नागरिक लगानी कोषमा आबद्ध हुनेहरुले शाखा कार्यालयहरूबाट समेत आवास र सरल कर्जा पाउने भएका छन् ।
कोषका सबै शाखा कार्यालयहरूबाट सहभागीहरुलाई निश्चित रकमसम्मको आवास र सरल कर्जा दिने गरी कोषले व्यवस्था गरेको छ ।
कोषका सहभागीलाई काठमाडौंबाहिर पनि यस्तो कर्जा लिन सहज हुने उद्देश्यले कर्जा सुविधालाई सहज बनाइएको हो । यसअघि सबै शाखा कार्यालयहरूले आवास र सरल कर्जा स्वीकृतिको लागि कर्जाको कागजपत्र केन्द्रीय कार्यालयमा पठाउनु पर्ने व्यवस्था थियो ।
नयाँ व्यवस्थापछि निश्चित रकमसम्मको कर्जा अब शाखा कार्यालयबाट नै उपलब्ध हुने भएकोले सेवाग्राहीलाई कर्जा कारोबारमा सहजता मिल्ने कोषले अपेक्षा गरेको छ ।
त्यसैगरी कोषले सहभागीहरूलाई बचत रकमको ९० प्रतिशतसम्म ऋण सापटी दिन सकिने व्यवस्था गरेको छ । यसअघि यस्तो सापटीको सीमा सहभागीको नाममा जम्मा रहेको बचत रकमको ८० प्रतिशतसम्म थियो ।

काठमाडौँ । आइएमईले विदेशबाट पठाएको रकम प्राप्त गर्ने सेवाग्राहीलाई केबलकारको यात्रामा विशेष छुट दिने भएको छ । आइएमईमार्फत कारोवार गरेका सेवाग्राहीले मौलाकाली र लुम्बिनी केबलकारको टिकटमा २० प्रतिशत छुट पाउने छन् ।
आइएमईमार्फत रकम भुक्तानी प्राप्त गरेको रसिद वा आइएमई पे मार्फत रकम प्राप्त गरेको डिजिटल रिसिप्ट देखाएर सेवाग्राहीले मौलाकाली र लुम्बिनी केबलकारको छुट प्राप्त गर्न सक्ने छन् । रकम प्राप्त गरेको तिन महिनासम्म सो रसिद देखाएर छुट लिन सकिने छ ।
मौलाकाली केबलकारका सञ्चालक रुद्रराज पौडेलले विदेशमा बसेकाहरूले आफ्नो परिवार तथा प्रियजनहरूलाई मौलाकाली,कामाख्या देवी लगायतका देवस्थलको दर्शन तथा घुमफिरमा समेत प्रोत्साहित गरुन् भन्ने उद्देश्यले छुटको व्यवस्था मिलाइएको जनाए ।
परिवार तथा प्रियजनको खुसीले मेहनत गर्न तथा बढी रकम पठाउन समेत विदेशमा रहेकाहरूलाई प्रोत्साहित गर्ने पनि पौडेलले उल्लेख गरे । नवलपुरको गैडाकोटस्थित मौलाकाली केबलकार र रुपन्देहीको बुटवल र पाल्पाको वसन्तपुर डाँडा जोड्ने गरी सञ्चालनमा रहेको लुम्बिनी केबलकारले मन्दिर दर्शन र अन्य घुमफिर गर्ने सहज व्यवस्था मिलाउँदै आएका छन् ।

काठमाडौं । शेयर बजारमा दोहोरो अंकको सुधार आउँदा कारोबार रकम पनि साढे १० अर्ब नाघेको छ ।
नेपाल स्टक एक्सचेञ्ज लिमिटेड (नेप्से) का अनुसार आज बजार १९.९७ अंकले बढेको हो । ०.७२ प्रतिशतले बजार बढ्दा नेप्से २७५८.०४ अंकमा पुगेको छ ।
समग्रमा बजार बढे पनि बैंकिङ, विकास बैंक, वित्त र अन्य समूह क्रमशः ०.५९, १.७२, १.९७ र ०.३६ प्रतिशतले घटेका छन् । बाँकी समूहमा भने हरियाली छाएको छ । ट्रेडिङ समूह आज पनि सबैभन्दा बढी ९.७० प्रतिशत र होटल समूह ४.९९ प्रतिशतले बढेको छ ।
आज ३१४ कम्पनीका २ करोड ३० लाख ११ हजार ३ सय ६१ कित्ता शेयर किनबेच हुँदा १० अर्ब ५४ करोड १७ लाख ४६ हजार ५ सय ६४.०७ रुपियाँ बराबरको कारोबार भएको हो ।
विभिन्न ७ कम्पनीका लगानीकर्ताहरुले ९ प्रतिशत बढी नाफा कमाएका छन् । तारागाउँ रिजेन्सी होटल, विशाल बजार कम्पनी, खानीखोला हाइड्रो, जोशी हाइड्रो, अपर साङ्गे हाइड्रो, एलआईसी नेपाल र अपर लोहोरे हाइड्रोका लगानीकर्ताहरुले क्रमशः १०, १०, १०, ९.९९, ९.९५, ९.३६ र ९.१९ प्रतिशतले नाफा कमाएका छन् ।
त्यस्तै नेपाल फाइनान्सका लगानीकर्ताहरुले सबैभन्दा बढी ८.७२ प्रतिशतले घाटा व्यहोरेका छन् ।
आज नेपाल फाइनान्सकै उच्च कारोबार भएको छ । उक्त कम्पनीको ५९ करोड ४७ लाख ५७ हजार ७ सय ६२.५० रुपियाँ बराबरको कारोबार भएको नेप्सेले जानकारी दिएको छ ।
साताको पहिलो दिन हिजो बजार ९.९९ प्रतिशतले घट्दा ८ अर्ब ८३ करोड २२ लाख २५ हजार ८ सय ९२.८२ रुपियाँ बराबरको शेयर किनबेच भएको थियो ।

काठमाडौँ । विदेशमा कमाएको रकम आइएमई गर्दा १ करोड रुपैयाँ जितेकी प्रमीला रोकायालाई आइएमईले १ करोड रुपैयाँको चेक हस्तान्तरण गरेको छ । जापानको क्योदाइबाट आइएमई रेमिट मार्फत रकम पठाएकी प्रमीलालाई टोकियो स्थित नाकानो सिकि नो मोरी पार्कमा शनिवार आयोजित कार्यक्रममा आइएमईले चेक हस्तान्तरण गरेको हो ।
नेपालका लागि जापानका राजदूत डा. दुर्गा बहादुर सुबेदी ,आइएमई लिमिटेडका तर्फबाट सुशील थापा र क्योदाइ जापानका युचिरो किमोतोले प्रमीलालाई एक करोडको चेक हस्तान्तरण गरेका हुन् । चेक बुझे पछि प्रमीलाले आइएमई मार्फत रकम पठाउँदा आफ्नो भाग्य चम्केर प्राप्त भएको रकमबाट नेपालको कैलाली रहेका बाआमालाइ घर बनाइदिने योजना बनाएको जनाईन ।
गत असोजमा आइएमईका ब्रान्ड एम्बेसडर दीपाश्री निरौलाले काठमाडौँमा सार्वजनिक लक्की ड्र मार्फत सेवाग्राहीको नम्बर छनोट गर्दा प्रमीला रोकाया करोडपति क्याम्पेनको भाग्यशाली विजेता बन्न सफल भएकी थिइन् ।
आइएमईले विदेशमा कमाएको रकम औपचारिक माध्यम(रेमिटेन्स मार्फत रकम पठाउन थप प्रोत्साहन गर्ने उद्देश्यले गत वर्ष सञ्चालन गरेको ूआइएमई गरौँ,करोडपति बनौूँ योजना अन्तर्गत भाग्यशाली सेवाग्राहीको छनोट गरिएको थियो ।

काठमाडौं । सानिमा रिलायन्स लाईफ इन्स्योरेन्सले नवीकरण नभएका बीमालेखका लागि शत प्रतिशत विलम्ब शुल्क छुट सहितको पुनर्जागरण अभियान सुरु गरेको छ ।
उक्त पुनर्जागरण अभियान यही मंसिर १६ गते देखि २८ गते सम्म लागू हुनेछ । पुनर्जागरण अभियान अन्तर्गत बिमालेख अवधिभित्र एक पटक मात्र ब्याज छुटको सुबिधा प्रदान गरिने कम्पनीले जनाएको छ ।
कुनै पनि बीमालेख ब्यतीत रहँदा बिमितले रक्षावरण गुमाउनुका साथै विलम्ब शुल्क पनि ब्यहोर्न पर्ने हुनाले यो सुनौलो मौकाको फाईदा लिई बिमालेख नवीकरण गर्न कम्पनीले अनुरोध गरेको छ ।
हरेक नेपालीलाई बिमाको दायरा भित्र ल्याई बिमित र बिमितसँग आश्रित परिवारको आर्थिक सुरक्षाको लागि जीवन बिमा अनिवार्य रहेको छ ।

काठमाडौं । सेयर बजारमा गिरावट आएको छ ।
बजार मापन गर्ने सूचक ९.९९ अंकले घटेर परिसूचक २७३८.०६ बिन्दु कायम भएको छ । ३१४ कम्पनीको १ करोड ६७ लाख ६७ हजार १६८ कित्ता सेयर ८ अर्ब ८३ करोड २२ लाख २५ हजार ८९२ रुपैयाँको सेयर किनबेच भएको छ ।
कारोबारमा ६३ कम्पनीको सेयर मूल्य बढेको छ भने १७८ वटाको घटेको छ । कारोबारमा विकास बैंक, होटल र ट्रेडिङ समूहको उपसूचक बढेको छ भने भने बाँकी समूहको उपसूचक घटेको छ ।
कारोबारमा ५ कम्पनीको सेयर मूल्यमा सकारात्मक सर्किट लागेको छ । सर्किट लागेका कम्पनीमा विशाल बजार बाहेक सबै विकास बैंक रहेका छन् । कारोबारमा जानकी फाइनान्सको सेयर मूल्यमा नकारात्मक सर्किट लागेको छ ।