काठमाडौं । सानिमा रिलायन्स लाइफ इन्स्योरेन्सको ‘ब्राभो एनुअल कन्केभ २०८२’ भव्य रुपमा सम्पन्न भएको छ । देशभरीका ब्रान्च म्यानेजरहरुको सहभागितामा पोखराको पोखरा ग्राण्डमा सम्पन्न भएको हो ।
कम्पनी सञ्चालक समितिका अध्यक्ष रतन लाल केडियाले कार्यक्रमको उद्घाटन गरेका थिए । कार्यक्रममा कम्पनीका सञ्चालक, उच्च तहका व्यवस्थापकसहित देशभरीका ब्रान्च म्यानेजरको सहभागिता रहेको थियो ।
कार्यक्रमलाई सम्बोधन गर्दै कम्पनीका अध्यक्ष रतन लाल केडियाले सफलताका लागि नयाँ प्रविधि र नयाँ सोचलाई अपनाउनु पर्ने र नयाँ अभिकर्ताहरुको संख्या विस्तार कार्य तत्परताका साथ गर्नुपर्ने जनाए । आफ्नो लक्ष्य प्राप्त गर्न र कम्पनीलाई नयाँ उचाईमा पुर्याउन हाम्रो परम्परागत कार्यशैली विधिहरूमा प्रभावकारी र नवीनतम तरिकाको प्रयोग गर्नुपर्ने कुरा ब्यक्त गरे । उनले ब्रान्च म्यानेजरको कार्यसम्पादनको खुलेर प्रशंसा गरेका थिए ।
कार्यक्रममा बोल्दै प्रमुख कार्यकारी अधिकृत शिवनाथ पाण्डेले कर्मचारीहरू कम्पनीका गहना र निधि भएकाले कम्पनीको सफलता पनि उनीहरूले गर्ने कार्य र योगदानमा निर्भर रहने जनाए । कर्मचारीहरू आफ्नो कम्फर्ट जोनबाट बाहिर निस्केर थप मेहनत गर्नुपर्ने र सो कुराले हामीलाई प्रतिस्पर्धात्मक बजारमा अग्र स्थानमा स्थापित गराउन मद्दत पुराउने कुरा उल्लेख गरे ।
गत आर्थिक वर्षमा उत्कृष्ट कार्यसम्पादन तथा लक्ष्य हासिल गरेका विभिन्न शाखा कार्यालयहरुलाई सम्मान गरिएको छ । तिनदिनसम्म सञ्चालन भएको कार्यक्रममा ब्रान्च म्यानेजरहरुले विभिन्न अवार्डहरु हासिल गर्नुका साथै हौसला समेत पाएका छन् ।
कार्यक्रममा कम्पनी सञ्चालक समितिका अध्यक्ष रतन लाल केडिया, प्रमुख कार्यकारी अधिकृत शिव नाथ पाण्डे, सिनियर डेपुटी सीईओ राकेश पोखरेल, डेपुटी सीईओ निराजन कडेल, चिफ बिजनेश अफिसर गुणराज श्रेष्ठ, सूर्यप्रसाद गुप्ता लगायत उत्कृष्ट ब्रान्च म्यानेजरहरुको सहभागिता रहेको थियो ।

काठमाडौं । एनआईसी एशिया बैंकका ग्राहकहरुलाई धुलिखेलस्थित हिमालय दृष्य रिसोर्टमा विशेष छुट उपलब्ध गराउने सम्बन्धमा बैंक र रिसोर्टबीच सम्झौता सम्पन्न भएको छ ।
यस समझदारीसँगै एनआईसी एशिया बैंकका ग्राहकहरुले धुलखेलमा रहेको हिमालय दृष्य रिसोर्टमा खाना तथा पेय पदार्थ उपभोग गरी डिजिटल भुक्तानी गर्दा १० प्रतिशत छुट प्राप्त गर्न सक्नेछन् ।
सुविधाको उपभोग गर्न ग्राहकहरुले बैंकको डेबिट कार्ड, क्रेडिट कार्ड वा प्रिपेड कार्ड प्रयोग गरी वा मोबैंक एपमार्फत भुक्तानी गर्नुपर्नेछ ।
हिमालय दृष्य रिसोर्टसँगको यस सहकार्यले बैंकका ग्राहकहरुलाई छुट उपलब्ध हुनुको साथै मुलुकको डिजिटल भुक्तानी सेवालाई प्रवर्द्धन गरी नगदरहित कारोबारमा सहयोग पुग्ने बैंकले विश्वास लिएको छ ।

काठमाडौं । नबिल इन्भेष्टमेन्ट बैंकिङ लिमिटेडले यहि साउन ३० गतेदेखि नबिल म्युचुअल फण्ड अन्तर्गत दोस्रो खुलामुखी सामुहिक लगानी कोष योजना ‘एनआई ३१ योजना’को इकाई निष्काशन गर्ने भएको छ।
२५ करोड रुपैयाँको कोष आकार रहेको यस योजनामा १० रुपैयाँ अंकित दरमा २ करोड ५० लाख इकाईहरु निष्काशन गरिनेछ। यसमध्ये ३७ लाख ५० हजार इकाई व्यवस्थापक कम्पनीका लागि सुरक्षित राखिएको छ भने १ करोड १२ लाख ५० हजार इकाई पहिलो चरणमा सर्वसाधारणका लागि बिक्री खुला गरिनेछ।
सर्वसाधारण लगानीकर्ताले न्यूनतम १०० इकाई देखि अधिकतम २५ लाख इकाईसम्म आवेदन दिन सक्नेछन्। इकाईहरुमा आवेदन दिने अन्तिम म्याद छिटोमा भदौ ३ र ढिलोमा भदौ १३ सम्म रहनेछ।
‘एनआई ३१ योजना’ले पूजिंबजारमा बजारमा सूचीकृत ३१ वटा उत्कृष्ट (ब्लुचिप) कम्पनीहरूमा मात्र लगानी गर्नेछ, जसले आकर्षक दीर्घकालीन प्रतिफल दिने उदेश्य राखेको छ।
यसअघि नै सफलतापूर्वक नबिल इन्भेष्टमेन्ट बैंकिङ लिमिटेडले ‘नबिल इक्विटी फण्ड’ सञ्चालन गरिसकेको छ।

काठमाडौं । सूर्यज्योति लाइफ इन्स्योरेन्स कम्पनी लिमिटेडको ‘स्टार एजेन्सी मिट २०८२’ भव्य रुपमा सम्पन्न भएको छ । कम्पनीका उत्कृष्ट अभिकर्ताहरुको सहभागितामा नगरकोटमा रहेको होटल माइस्टिक माउण्टेनमा साउन १८–१९ गतेसहित दुई दिने कार्यक्रम सम्पन्न भएको हो ।
कार्यक्रममा कम्पनी सञ्चालक समिती केशव भट्टराईले अभिकर्ताहरुको क्षमता र उनीको उत्कृष्ट कार्यसम्पादनको उच्च कदरको लागि कम्पनी सधै अग्रसर रहेको जनाए ।
कम्पनीका प्रमुख कार्यकारी अधिकृत प्रकाशविक्रम खत्रीले जीवन बीमा क्षेत्रमा अग्रणी कम्पनीका रूपमा स्थापित गर्नका लागि ३ मूलमन्त्र– अभिकर्ताहरूले आफ्नो टिम विस्तार गर्नु, कर्मचारीहरूले उत्कृष्ट सेवा उपलब्ध गराउनु र कम्पनीले बीमितहरूका लागि दरिलो विश्वास दिलाएर अघि बढेको खण्डमा सफलता अवश्य हासिल हुने जनाए ।
बीमितहरूको सहजताका लागि नयाँ–नयाँ प्रविधिमैत्री सेवा विस्तार गर्दै लगेको र यसैअन्तर्गतको ‘मोबाइल एप’ अभिकर्ता र बीमितहरूका लागि एकदमै उपयोगी भएको उनले जनाए ।
आर्थिक वर्ष २०८१–८२ मा उत्कृष्ट कारोबार गर्न सफल भएका अभिकर्ताहरुको सहभागितामा कार्यक्रम सम्पन्न भएको छ । गत आवमा उत्कृष्ट व्यवसाय गरी यो पटकसहित लगातार आठौ पटकसम्म सबैभन्दा बढी व्यवसाय गर्न सफल बुटवल पाल्पा शाखाका कमल प्रसाद घिमिरे तथा दोस्रो स्थानमा रहेका नेपालगंज शाखाका गौरब कुमार शाही र बनेपा शाखाका दिपक सापकोटासहित देशभरीका सर्वोत्कृष्ट एजेन्सीको सहगागिता रहेको थियो ।
कार्यक्रममा कम्पनीका अध्यक्ष केशव भट्राई, प्रमुख कार्यकारी अधिकृत प्रकाश बिक्रम खत्री, चिफ बिजनेश अफिसर फर्सुराम मरासीनी, उत्कृष्ट अभिकर्ता लगायत कम्पनीका उच्च व्यवस्थापक समुहका कर्मचारीको सहभागिता रहेको थियो ।