काठमाडौं । सामसङले नेपालमा ग्यालेक्सी एम सिरिजअन्तर्गत नयाँ स्मार्टफोन ग्यालेक्सी एम १७ ५ जी सार्वजनिक गरेको छ ।
प्रिमियम डिजाइन, मजबुत टिकाउ र अत्याधुनिक एआई प्रविधियुक्त क्यामेरा फिचरसहित आएको यो फोनले आफ्नै सेग्मेन्टमा पहिलोपटक अप्टिकल इमेज स्टाबिलाइजेसन प्रविधि उपलब्ध गराएको कम्पनीले जनाएको छ ।
यसमार्फत प्रयोगकर्ताले स्थिर र स्पष्ट फोटो तथा भिडियो कैद गर्न सक्नेछन् । एम १७ ५जीले एआई र प्रिमियम क्यामेरा टेक्नोलोजीलाई अझ धेरै नेपाली प्रयोगकर्तासम्म पु¥याउने जनाईएको छ । ६.७ इन्चको एपएचठी प्लस सुपर एमोलेड डिस्प्ले रहेको यस स्मार्टफोनमा धूलो र पानीबाट सुरक्षा दिने सुविधा पनि समावेश गरिएको छ ।
नेपालमा दुई भेरियन्टमा उपलब्ध यो फोनमध्ये ४ जीबी र्‍याम र १२८ जीबी स्टोरेज भएको मोडलको मूल्य २५ हजार ९९९ रुपैयाँ राखिएको छ भने ६ जीबी र्‍याम र १२८ जीबी स्टोरेजको मूल्य २७ हजार ९९९ रुपैयाँ तोकिएको छ ।
किफायती मूल्यमा समेत उच्च प्रदर्शन र आधुनिक प्रविधि उपलब्ध गराइएको ग्यालेक्सी एम १७ ५जीले नेपाली बजारमा नयाँ आकर्षण सिर्जना गर्ने अपेक्षा गरिएको छ ।

काठमाडौं । नेपाली बजारमा बिहीबार सुनको मूल्य बढेको छ । आज सुन ६ सय रुपैयाँले बढेको हो ।
नेपाल सुनचाँदी व्यवसायी महासंघका अनुसार बुधबार २ लाख ३७ हजार २ सय रुपैयाँमा कारोबार भएको सुन आज प्रतितोला २ लाख ३७ हजार ८ सय रुपैयाँमा कारोबार भइरहेको छ ।
त्यस्तै, आज चाँदीको मूल्य पनि बढेको छ । बुधबार प्रतितोला २ हजार ९ सय ९० रुपैयाँमा कारोबार भएको चाँदी आज ३ हजार १० रुपैयाँमा कारोबार भइरहेको छ ।

काठमाडौं । कृषि विकास बैंकले कुल १३ प्रतिशत लाभांशको घोषणा गरेको छ । बुधबार बैंकले धितोपत्र बोर्डलाई पठाएको पत्रमा लाभांशबारे निर्णय भएको जनाईएको छ ।
बुधबार नै बसेको बैंक सञ्चालक समितिको ११८७औं बैठकले साधारण चुक्ता पुँजीको ३.२५ प्रतिशतले हुने बोनस शेयर लाभांश र लाभांशमा लाग्ने कर समेतको ९.७५ प्रतिशतले हुने नगद लाभांशसहित गरेर कुल १३ प्रतिशत लाभांश दिने निर्णय गरेको हो ।
बैंकले सरकारको हाल काम भएको फिर्ता नहुने अग्राधिकार शेयर पुँजीमा समेत वार्षिक छ प्रतिशतले हुने नगद लाभांश रकम समेत प्रदान गर्ने निर्णय गरेको जनाईएको छ ।

काठमाडौं । खुद ब्याज आम्दानी र इम्पेरमेन्ट चार्ज घट्दा नबिल बैंक लिमिटेडको चालु आर्थिक वर्षको पहिलो त्रैमासमा नाफा घटेको छ । बैंकले जारी गरेको त्रैमासिक वित्तीय विवरणअनुसार बैंकले यो त्रैमासमा गत आर्थिक वर्षको सोही अवधिको तुलनामा १४.५७ प्रतिशतको नाफा घटाएको हो ।
चालू आर्थिक वर्षको पहिलो ३ महिनासम्ममा बैंकले १ अर्ब ७५ करोड ६९ लाख रुपैयाँ खुद नाफा कमाएको छ । यो गत आर्थिक वर्षको सोही अवधिको तुलनामा १४.५७ प्रतिशत कम हो । गत आर्थिक वर्षको सोही अवधिसम्ममा बैंकले २ अर्ब ५ करोड ६५ लाख रुपैयाँ खुद नाफा कमाएको थियो ।
नाफासँगै बैंकको प्रतिशेयर आम्दानी पनि घटेको छ । समीक्षा अवधिमा बैंकको यस्तो आम्दानी ३ रुपैयाँ ८६ पैसा घटेर २५ रुपैयाँ ९७ पैसामा सीमित भएको छ ।
चालु आर्थिक वर्षको असोजसम्म बैंकको खराब कर्जा अनुपात (एनपीएल) घटेर ०.९७ प्रतिशतमा झरेको छ । अघिल्लो वर्ष यही अवधिसम्म पनि बैंकको एनपीएल १.४२ प्रतिशत थियो ।

काठमाडौं । एसवाई प्यानल लिमिटेडले आजदेखि सर्वसाधारणका लागि आईपीओ निष्कासन तथा बिक्री आवेदन खुला गरेको छ । कम्पनीले आम लगानीकर्ताका लागि कुल ४० लाख ७६ हजार १५६ कित्ता शेयर जारी गरेको हो ।
कम्पनीले यसअन्तर्गत सामूहिक लगानी कोषका लागि २ लाख ४८ हजार ५४६ कित्ता र कर्मचारीहरूका लागि १ लाख ४९ हजार १२७ कित्ता शेयर छुट्टाएको छ । लगानीकर्ताले न्यूनतम १० कित्ता र अधिकतम ५० हजार कित्ता शेयरका लागि आवेदन दिन सक्नेछन् ।
आवेदन आस्बा सदस्य बैंक तथा वित्तीय संस्थाका शाखाहरू तथा मेरो शेयरमार्फत गर्न सकिनेछ । आईपीओ निष्कासन छिटोमा असोज २९ गते र ढिलोमा कात्तिक ९ गते बन्द हुनेछ । यस आईपीओको निष्कासन तथा बिक्री प्रबन्धकको भूमिका प्रभु क्यापिटल लिमिटेडले निर्वाह गरेको छ । यसअघि कम्पनीले असोज ७ गते उद्योग प्रभावित क्षेत्रका बासिन्दा तथा वैदेशिक रोजगारीका लागि पहिलो चरणमा आईपीओ जारी गरिसकेको थियो ।
नेपाल धितोपत्र बोर्डबाट कम्पनीले भदौ १७ गते ५२ करोड ३२ लाख ५४ हजार ८ सय रुपैयाँ बराबरका ५२ लाख ३२ हजार ५४८ कित्ता साधारण सेयर निष्कासन गर्ने अनुमति पाएको थियो । जसमध्ये २ प्रतिशत ९२ लाख ६१ हजार ६२७ कित्ता० उद्योग प्रभावित क्षेत्रका स्थानीय बासिन्दाका लागि र सर्वसाधारणमा छुट्याइएकोमध्येबाट १० प्रतिशत (४ लाख ९७ हजार ९२ कित्ता) विदेशमा रोजगारीमा रहेका नेपालीहरूलाई लक्षित गरी जारी गरिएको थियो ।

काठमाडौं । सामसङले नेपालमा लोकप्रिय ग्यालेक्सी एम शृङ्खलाको नयाँ सदस्य ग्यालेक्सी एम–१७ ५जी सार्वजनिक गरेको छ ।
आकर्षक डिजाइन, मजबुत टिकाउपन र अत्याधुनिक कृत्रिम बुद्धिमत्तायुक्त सुविधासहित आएको यो स्मार्टफोनले आफ्नो वर्गमै पहिलो पटक अप्टिकल इमेज स्थिरीकरण अर्थात् ‘अस्थिरता–रहित क्यामेरा’ प्रविधि प्रस्तुत गरेको हो ।
यस प्रविधिबाट अब जहाँ भए पनि स्थिर र स्पष्ट तस्बिर तथा भिडियो कैद गर्न सकिनेछ । यो मोबाइल त्यस्ता प्रयोगकर्ताका लागि उपयुक्त बनेको छ, जसले आफ्नो प्रत्येक क्षणलाई ‘पेशागत स्तरको’ गुणस्तरमा कैद गर्न चाहन्छन् ।
सामसङ इलेक्ट्रोनिक्स नेपालका एमएक्स व्यवसाय निर्देशक प्रणय रत्न स्थापितले भने, ‘ग्यालेक्सी एम–१७ ५जी मार्फत हामी कृत्रिम बुद्धिमत्ता र उत्कृष्ट क्यामेरा प्रविधिलाई अझ धेरै नेपाली प्रयोगकर्तासम्म पुर्‍याउँदैछौँ । अस्थिरता–रहित क्यामेरा’सहितका नयाँ सुविधाहरूले दैनिक जीवनलाई अझ बुद्धिमानीपूर्ण, सहज र रमाइलो बनाउनेछ। यो फोन ती युवाका लागि डिजाइन गरिएको हो, जो निडर, सिर्जनशील र सधैं सक्रिय रहन चाहन्छन्।’
कृत्रिम बुद्धिमत्ताद्वारा सञ्चालित ग्यालेक्सी एम–१७ ५जीमा ‘गुगलसँग खोज्नका लागि घेरो बनाउने सुविधा’ र ‘प्रत्यक्ष समय सहायक’ जस्ता फिचरहरू समावेश छन्, जसले खोज, बहुउपयोग (मल्टिटास्किङ) र संवादलाई अझ सहज बनाउँछ ।
६ न्यानोमिटर प्रविधिमा निर्मित एक्सिनोस १३३० प्रोसेसरले उत्पादकता, खेलकुद (गेमिङ) र चलचित्ररसङ्गीत प्रवाह (स्ट्रिमिङ) मा तीव्र र उर्जा–सक्षम कार्यसम्पादन प्रदान गर्छ ।
मोबाइलका मुख्य विशेषताः
६.७ इन्चको पूर्ण उच्च–गुणस्तर सुपर एमोलिड पर्दा (डिस्प्ले)
कोर्निङ गोरोला ग्लास भिक्टस द्वारा सुरक्षित
आईपी–५४ प्रमाणपत्र सहित धूलो र पानीबाट सुरक्षा
यी सबै सुविधाले ग्यालेक्सी एम–१७ ५जीलाई दैनिक जीवनका साहसिक क्षणहरूका लागि भरपर्दो साथीसँग तुल्याउँछ।
मूल्य र प्रस्ताव ग्यालेक्सी एम–१७ ५जी (४ जिबी–१२८ जिबी) को मूल्य २५ हजार ९९९ रुपैयाँ र ग्यालेक्सी एम–१७ ५जी (६ जिबी–१२८ जिबी) को मूल्य २७ हजार ९९९ रुपैयाँ तोकिएको छ ।
ग्यालेक्सी एम–१७ ५जी अब देशभर रहेका सामसङ अधिकृत खुद्रा बिक्री केन्द्रहरू, सामसङ प्लाजा, र मुख्य अनलाइन व्यापारिक प्लेटफर्महरूमा उपलब्ध छ। उपभोक्ताहरूले आफ्नो नजिकको सामसङ बिक्री केन्द्र वा अनलाइन माध्यमबाट यस नयाँ मोबाइल खरिद गर्न सक्नेछन्।

काठमाडौं । ग्लोबल आइएमई बैंक लिमिटेडले नेपाल एशोसियसन अफ सफ्टवेयर एन्ड आईटी सर्भिसेस (नास–आईटी) का सदस्यहरुसँग बैंकको कर्जा दायरा विस्तार, नवीन बैंकिङ्ग सेवा तथा व्यवसाय वृद्धिसम्बन्धी विषयहरुमा अन्तरक्रिया कार्यक्रम सम्पन्न गरेको छ ।
कार्यक्रममा बैंकले कर्जाका प्रकार, प्रक्रिया र आवश्यकता, आईटी क्षेत्रको लागि बैंकको कर्जा योजनाहरु, बैंकिङ्ग सेवा, डिजिटल नविनतम बैंकिङ्ग सेवाहरु, बैंकिङ्ग विवरण सुरक्षित राख्ने उपायहरु लगायत विभिन्न विषयमा छलफल गरेको थियो ।
कार्यक्रममा बोल्दै बैंकका प्रमुख कार्यकारी अधिकृत सुरेन्द्रराज रेग्मीले बैंकले विभिन्न पेसा तथा व्यवसायसँग आबद्ध समूह लक्षित गरी आफ्नो व्यवसाय विस्तारका लागि यस्ता अन्तरक्रियात्मक कार्यक्रमहरु सञ्चालन गरिरहेको जानकारी दिए । साथै, बैंकले आम नागरिकमा वित्तीय साक्षरता बढाउन मुलुकभर वित्तीय साक्षरताका कार्यक्रमहरु समेत सञ्चालन गरिरहेको जानकारी दिए ।
बैंक र नास–आईटीबीचको पारस्परिक सम्बन्धलाई मध्यनजर गरी दुवै संस्थामा आवद्ध कर्मचारीहरुको ज्ञान, सीप र अनुभव विकास गर्ने कार्यक्रमहरु सञ्चालन गर्ने योजना रहेको छ । ग्लोबल आइएमई बैंक नास–आईटीको नवस्थापित दिगो कोषलाई सहयोग गर्ने पहिलो दिगो साझेदार बनेको छ ।
ग्लोबल आइएमई बैंक ख्यातिप्राप्त विभिन्न राष्ट्रिय तथा अन्तर्राष्ट्रिय संस्थाहरुबाट फरकफरक विधामा सम्मानित भएको छ । बैंकले बैंक अफ द इयर २०१४, बेष्ट इन्टरनेट बैंक २०१६, बेष्ट बैंक नेपाल २०२४ र २०२५, युरो मनी अवार्ड फर एक्सलेन्स २०२२, २०२४ र २०२५, बेष्ट बैंक ईएसजी नेपाल २०२४, बेष्ट इम्प्लोयर जस्ता प्रतिष्ठित अवार्डहरु प्राप्त गरिसकेको छ ।
ग्लोबल आइएमई बैंक मुलुकको सतहत्तरै जिल्लामा शाखा सञ्जाल रहेको निजी क्षेत्रको पहिलो वाणिज्य बैंक हो । बैंकको ३५२ शाखा कार्यालय, ३८४ एटिएम, १५० शाखा रहित बैंकिङ्ग सेवा, ६८ एक्सटेन्सन तथा राजश्व संकलन काउन्टर तथा ३ वटा वैदेशिक प्रतिनिधि कार्यालय समेत गरी १,००० भन्दा बढी सेवा केन्द्रबाट आफ्ना ग्राहकलाई उत्कृष्ट सेवा प्रदान गर्दै आइरहेको छ ।
बैंकले नेपाली नागरिकहरूलाई बैंकिङ्ग सेवाहरू प्रदान गर्नुका अतिरिक्त विश्वका विभिन्न देशहरूबाट रेमिट्यान्स सेवा पनि दिँदै आएको छ । बैंकले संयुक्त राज्य अमेरिका, संयुक्त अधिराज्य, क्यानडा, अष्ट्रेलिया, मलेशिया, दक्षिण कोरिया, जापान, साउदी अरब, कतार, यूएई, बहराइन, कुवेत, भारत, जोर्डन लगायत अन्य देशहरूबाट रेमिट्यान्स भित्र्याउने काम गर्दै आएको छ ।