काठमाडौं । कृषि विकास बैंकले कुल १३ प्रतिशत लाभांशको घोषणा गरेको छ । बुधबार बैंकले धितोपत्र बोर्डलाई पठाएको पत्रमा लाभांशबारे निर्णय भएको जनाईएको छ ।
बुधबार नै बसेको बैंक सञ्चालक समितिको ११८७औं बैठकले साधारण चुक्ता पुँजीको ३.२५ प्रतिशतले हुने बोनस शेयर लाभांश र लाभांशमा लाग्ने कर समेतको ९.७५ प्रतिशतले हुने नगद लाभांशसहित गरेर कुल १३ प्रतिशत लाभांश दिने निर्णय गरेको हो ।
बैंकले सरकारको हाल काम भएको फिर्ता नहुने अग्राधिकार शेयर पुँजीमा समेत वार्षिक छ प्रतिशतले हुने नगद लाभांश रकम समेत प्रदान गर्ने निर्णय गरेको जनाईएको छ ।
