काठमाडौं । प्रभु बैंक लिमिटेडका चिफ म्यानेजर रबिन्द्र ढकाल प्रभु स्टक मार्केट लिमिटेडको अध्यक्षमा नियुक्त भएका छन्।
प्रभु स्टक मार्केटको संचालक समितिको वैशाख २५ गते बसेको त्रिसठ्ठिऔं बैठकले प्रभु बैंकका चिफ म्यानेजर रबिन्द्र ढकाललाई प्रभु स्टक मार्केट लिमिटेडको अध्यक्षमा चयन गरेको हो। ढकालको नेतृत्वमा प्रभु स्टक मार्केट लिमिटेडले आफूलाई प्रतिस्पर्धी एवम् स्टक ब्रोकर संस्थाको रूपमा स्थापित गर्ने कुरामा प्रतिवद्धता व्यक्त गरेको छ।
प्रभु बैंक लिमिटेडका नेपालभर ३०० शाखा कार्यालय र २६१ एटीएमका साथै ६६ एक्सटेन्सन काउन्टर मार्पmत करिब ३६ लाखभन्दा बढी ग्राहकलाई ‘विश्वास लिन्छौं, विश्वास दिन्छौं’ भन्ने मूूल नाराका साथ बैंकिङ सेवा प्रदान गर्दै आइरहेको छ।

बुटवल । नेपालको आतिथ्य क्षेत्रमा एउटा महत्वपूर्ण कोसेढुंगा पार गर्दै, हायात प्लेस बुटवलले तीनवटा प्रतिष्ठित अवार्डहरु ‘नेपालको उत्कृष्ट डेस्टिनेशन वेडिङ भेन्यु २०२६’,‘नेपालको उत्कृष्ट होटेल अवार्ड २०२६’ र ‘नेपालको उत्कृष्ट जनरल म्यानेजर अवार्ड २०२६’ बाट आधिकारिक रुपमा सम्मानित भएको छ।
यी सम्मानहरू प्रतिष्ठित ‘होटेल क्रिटिक्स एण्ड ब्लगर्स एसोसिएसन’ र ‘वल्र्डवाइड बेस्ट होटेल डट कम’ द्वारा प्रदान गरिएको हो।
सञ्चालनमा आएको जम्मा ६ महिनाभित्रै यस्तो असाधारण राष्ट्रिय तथा अन्तर्राष्ट्रिय पहिचान हासिल गर्नु आफैंमा एक दुर्लभ उपलब्धि हो। यी अवार्डहरूले यस होटेलका विश्वस्तरीय सुविधाहरू, आकर्षक कार्यक्रम स्थलहरू, उत्कृष्ट अतिथि सेवा र कुशल नेतृत्वको प्रशंसा गर्दै यसलाई एक प्रमुख गन्तव्यको रूपमा स्थापित गरेको कुरालाई प्रमाणित गर्दछ।
आफ्नो सुरुवातदेखि नै हायात प्लेस बुटवलले अन्तर्राष्ट्रिय स्तरको मापदण्ड र न्यानो स्थानीय आतिथ्यताको उत्कृष्ट संयोजन गर्दै यस क्षेत्रको हस्पिटालिटी क्षेत्रलाई नयाँ परिभाषा दिएको छ। विशेष गरी ‘नेपालकै उत्कृष्ट डेस्टिनेशन वेडिङ भेन्यु २०२६’ अवार्डले होटेलको उत्कृष्ट ब्यांक्वेट सुविधाहरू र सपनाको विवाहलाई साकार पार्न होटेलको टोलीले पुर्याएको सुक्ष्म ध्यानलाई सम्मान गरेको छ।
यसैगरी, ‘नेपालकै उत्कृष्ट जनरल म्यानेजर अवार्ड २०२६’ ले होटेलको यो अभूतपूर्व सफलताको पछाडि रहेको उत्कृष्ट दृष्टिकोण र कुशल नेतृत्वलाई मान्यता दिएको छ।
यस ऐतिहासिक उपलब्धिप्रति खुसी व्यक्त गर्दै, हायात प्लेस बुटवलका महाप्रबन्धक एवं उत्कृष्ट जीएमको सम्मान प्राप्तकर्ता तुषार नागरले आफ्नो कृतज्ञता र उत्साह यसरी साटासाट गरे ‘सञ्चालनमा आएको छोटो ६ महिनामै २०२६ का लागि यी तीन प्रतिष्ठित अवार्डहरू प्राप्त गर्दा हामी निकै सम्मानित र कृतज्ञ महसुस गरिरहेका छौं। यो हाम्रो सम्पूर्ण टोलीले हरेक दिन देखाउने जोश, समर्पण र वास्तविक आतिथ्यताको उच्च सम्मान हो।
सुरुवाती दिनदेखि नै बुटवलको हस्पिटालिटी अनुभवलाई अन्तर्राष्ट्रिय स्तरमा पुर्याउने हाम्रो एउटा स्पष्ट भिजन थियो। नेपालकै उत्कृष्ट होटेल, उत्कृष्ट डेस्टिनेशन वेडिङ भेन्युको रूपमा सम्मानित हुनु र महाप्रबन्धकको अवार्ड प्राप्त गर्नुले हामीलाई अझै उत्कृष्ट सेवा प्रदान गर्न र हाम्रा अतिथिहरूका लागि अविस्मरणीय क्षणहरू सिर्जना गरिरहन थप ऊर्जा दिएको छ। यस रोमाञ्चक यात्राको एक अभिन्न हिस्सा बनिदिनुभएकोमा हामी हाम्रा सम्पूर्ण अतिथि तथा साझेदारहरूप्रति हार्दिक आभार व्यक्त गर्दछौं।’
हायात प्लेस बुटवलले यस उद्योगमा नयाँ आयामहरू स्थापित गर्दै गर्दा, यस क्षेत्रको पर्यटन प्रवर्द्धन गर्ने र जीवनशैलीको उत्कृष्ट अनुभव प्रदान गर्ने आफ्नो लक्ष्यमा सदैव केन्द्रित रहनेछ।

काठमाडौं । नागरिक लगानी कोष र लक्ष्मी सनराइज बैंक लिमिटेडबीच बैंकका कर्मचारीहरूको अवकाश कोषको व्यवस्थापन गर्नेसम्बन्धी सम्झौता भएको छ । उक्त सम्झौतामा कोषका निर्देशक नबराज खड्का र बैंकका मानव संशाधन प्रमुख अमित शर्माले हस्ताक्षर गरेका छन् ।
सम्झौतामा योगदानमा आधारित भए–नभएको, उपदान कोष, स्वेच्छिक अवकाश कोष तथा अतिरिक्त अवकाश कोषको व्यवस्थापन गर्ने व्यवस्था रहेको छ ।
अब बैंकका कर्मचारीहरूको व्यतिगत अभिलेख तथा खाता तयार गरी परिचय पत्र सम्बन्धित कर्मचारीलाई प्रदान गर्ने, बैंकबाट मासिक–वार्षिक रूपमा कोष कट्टी गरी प्राप्त भएको रकम र विवरण सम्बधित कर्मचारी वा बैंकको खाता अद्यावधिक गर्ने, बैंकको सिफारिसमा सेवा निवृत कर्मचारीलाई अवकाश रकम भुक्तानी गर्ने व्यवस्था कोषले गर्नेछ ।
त्यसैगरी, बैंकका कर्मचारीहरूले कोषमा जम्मा भएको रकममा नागरिक लगानी कोष ऐन, नियम, विनियम, निर्देशिका एवम् कार्यविधिमा उल्लेख भए अनुसार ब्याज, प्रतिफल तथा अन्य सेवा–सुविधा प्राप्त गर्नेछन् ।
कोषले अवकाश वा सेवा निवृत्त भएका कर्मचारीलाई नियमानुसार कर कट्टा गरी भुक्तानी उपलब्ध गराउनेछ । त्यसको लागि बैंकले आफ्ना कर्मचारीहरूको विवरण कोषलाई उपलब्ध गराउने, मासिक तथा वार्षिक रूपमा कट्टा गरिएको रकम सम्बन्धित कोषमा जम्मा गर्ने तथा सेवा निवृत्त कर्मचारीहरूको अवकाश रकम भुक्तानीका लागि सिफारिस गर्ने पनि सम्झौतामा उल्लेख छ ।