काठमाण्डौं । त्रिभुवन अन्तर्राष्ट्रिय विमानस्थलमा अवतरण गर्न लागेको टर्किस एयरलाइन्सको जहाजको चक्कामा आगो लागेको छ ।
सोमबार बिहान स्तानबुलबाट आएको उक्त जहाज ल्याण्ड गर्ने क्रममा पाङ्ग्रामा आगो लागेको हो ।
घटनालगत्तै दमकल पुगेर आगोलाई नियन्त्रणमा लिइएको थियो भने सबै यात्रु सुरक्षित रहेको विमानस्थल स्रोतले जानकारी दियो ।
विमानमा २७८ जना यात्रु र ११ जना चालक दलका सदस्य रहेको जनाईएको छ । यात्रुहरुलाई इमर्जेन्सी ढोका खोलेर उद्धार गरिएको थियो ।
