काठमाडौं । केही दिनअघिको लगातारको वर्षापछि आएको बाढी र पहिरोका कारण १७ अर्ब भन्ला बढीको क्षति भएको अनुमान गरिएको छ ।
प्रधानमन्त्री केपी शर्मा ओलीले आज आयोजना गरेको पत्रकार सम्मेलनमा मुख्य सचिव एकनारायण अर्यालले १७ अर्ब बढीको क्षति भएको प्रारम्भिक अनुमान रहेको जानकारी दिए ।
खानेपानीको संरचनामा ३ अर्ब ५५ करोड र सडक पूर्वाधारतर्फ २ अर्ब ५२ करोड उर्जातर्फ ४ अर्ब, सिँचाईतर्फ २ अर्ब र कृषि तथा पशुपक्षीतर्फ ६ अर्बको क्षति भएको मुख्यसचिवको भनाइ छ ।
उनले २२४ जनाको मृत्यु भएको, २४ जना बेपत्ता रहेका र १५८ जना घाइते भएको जानकारी पनि दिए ।
