नेकपा एमालेका महासचिव शंकर पोखरेलले शुक्रबार काठमाडौंमा हिंसा मच्चाउने राजावादीहरू पानीमूनिको ओभानो बन्न खोजिरहेका टिप्पणी गरेका छन् ।
बंगलादेशको मोडेलमा सत्तापलट गर्ने पूर्वराजा ज्ञानेन्द्र शाहको योजना कार्यान्वयन गर्न ‘जनकमाणडर’ तोकिएका दुर्गा प्रसाईंद्वारा परिचालित व्यक्तिले गरेको आपराधिक क्रियाकलापको भारी सुरक्षाकर्मीलाई बोकाएर राजावादीहरू पानीमूनिको ओभानो बन्न खोजेका पोखरेलको टिप्पणी छ । तर, खुला समाजमा सबै कुरा छर्लङ्ग रहेको उनले जनाएका छन् ।
आइतबार बिहान सामाजिक सञ्जालमार्फत् टिप्पणी सार्वजनिक गर्दै पोखरेलले राजावादी र पूर्वपञ्चहरूले यो सबै अपराधको भारी दुर्गा प्रसाईं र उनका अनुचरलाई बोकाएर उम्कन खोजेको भए थोरै भएपनि नेपाली जनताले विश्वास गर्थे होला भनेका छन् ।
‘घटना घटेको दिनसम्म राप्रपाको संस्थापन पक्षलाई लागेको त यस्तै थियो । तर, निर्मल निवासको ‘थ्रेट’का सामु उनीहरू निरीह देखिए र भन्न थाले ‘प्रहरी दमनको प्रतिरोध गरेका हुन् आन्दोलनकारीले’, पोखरेलले भनेका छन् ।
