काठमाडौं । आमाको मुख हेर्ने विशेष दिन मातातीर्थ औँसीको अवसर पारेर गायिका स्मिता दाहालको नयाँ भावनात्मक गीत ‘आमा’ सार्वजनिक गरिएको छ । गीतले आमाको माया, संघर्ष र समर्पणलाई प्रस्तुत गरेको छ ।
शब्द र संगीत चेतन सापकोटा, संगीत संयोजन गोपाल रसाइलीको रहेको गीतमा स्टुडियो डोरेमीमा रेकर्ड भएको हो । गीतको भिडियोमा गायिका स्मिता दाहाल स्वयं र अभिनेता आकाश श्रेष्ठले मुख्य भुमिका छ । बाल कलाकार दीप्शिका श्रेष्ठको समेत सशक्त उपस्थिति भिडियोमा देख्न सकिन्छ ।
छायाङ्कन नवराज उप्रेती र सम्पादन विकास ज्ञवालीको रहेको भिडियोको निर्देशन सुनिल क्षेत्रीले गरेका हुन् ।
