काठमाडौं । सत्तारुढ नेकपा (एमाले) को सचिवालय आज बैठक बस्दैछ ।
बैठक पार्टी केन्द्रीय कार्यालय च्यासलमा दिउँसो २ बजे बस्न लागेको हो । बैठकमा सरकारले ल्याएको आगामी आर्थिक वर्षको नीति तथा कार्यक्रम, समसामयिक राजनीतिलगायतका विषयमा छलफल हुने जनाईएको छ ।
यसअघि हिजो शनिबार बसेको एमाले संसदीय दलको बैठकले नीति तथा कार्यक्रम प्रगतिशील, व्यावहारिक र जनमुखी भएको निष्कर्ष निकालेको थियो ।
