काठमाण्डौं । काठमाण्डौं महानगरपालिकाका प्रमुख प्रशासकीय अधिकृत सरोज गुरागाईंले नगर प्रहरी प्रमुख राजु पाण्डेलाई निलम्बित गर्दै छानबिन गर्न जाँचबुझ समिति गठन गरेका छन् ।
उनले पाण्डेलाई बढीमा ६ महिनाका लागि निलम्बनमा राखेर छानबिन थालेका हुन् ।
प्रमुख प्रशासकीय प्रमुख गुरागाईले महानगर कार्यालय प्रवेश गर्ने क्रममा गत चैत २१ गते नगर प्रहरीले अवरोध गरेपछि रिक्तता देखिएको थियो । कार्यालय प्रमुखलाई नै कार्यालय प्रवेशमा रोक्न हुलहुज्जतको नेतृत्व नगर प्रहरी प्रमुख पाण्डेले गरेको ठहर गरिएको छ ।
नगर प्रहरी प्रमुख पाण्डे नगर प्रमुख (मेयर) बालेन्द्र शाहको आदेशमा चल्ने गरेका थिए । तर कानून अनुसार प्रहरी प्रमुखले प्रमुख प्रशासकीय अधिकृतको निर्देशनमा काम गर्नुपर्छ ।
