आज पनि प्रतिनिधिसभा बैठक बस्दै नबसी स्थगित

काठमाडौं । भिजिट भिसा प्रकरणमा नाम जोडिएको गृहमन्त्री रमेश लेखकको राजीनामाको विषयलाई लिएर संसद बन्धक बनेको छ ।
विपक्षी दलहरूले गृहमन्त्रीले राजीनामा दिनै पर्ने र सत्तापक्षले दिनुनपर्ने अडान कायमै राख्दा संसद बन्धक बनेको हो ।
आज दिउँसो १ बजेका लागि बोलाइएको बैठक बस्दै नबसी आइतबारसम्मका लागि स्थगित गरिएको हो ।
विपक्षी दलहरूले भिजिट भिसा प्रकरणमा गृहमन्त्रीको राजीनामा र छानबिन समिति माग गरिरहेका छन् ।