काठमाडौं । ६१ किलो सुन तस्करी प्रकरणमा पक्राउ परेकी अमला रोका दुई लाख धरौटीमा रिहा भएलगत्तै फेरि पक्राउ परेकी छिन् ।
धरौटी बुझाएर रिहा भए लगत्तै उनलाई सम्पत्ति शुद्धीकरण मुद्दामा पनि अनुसन्धान गर्नुपर्ने भएकाले केन्द्रीय अनुसन्धान ब्युरो (सीआईबी) ले पक्राउ गरेको हो ।
यसअघि गत शुक्रबार टोखाबाट पक्राउ परेकी रोकालाई थुनछेक बहसपछि न्यायाधीश बलराम लम्सालको इजलासले धरौटीमा छाड्न आदेश गरेको थियो ।
