काठमाण्डौं । उच्च अदालत पाटनले बीएन्डसी मेडिकल कलेजका मालिक एवं राजावादी अभियन्ता दुर्गा प्रसाईंलाई धरौटीमा रिहा गर्न आदेश दिएको छ ।
न्यायाधीशद्वय टंकप्रसाद गुरुङ र डिल्लीरत्न श्रेष्ठको संयुक्त इजलासले यसअघि थुनामा पठाउने जिल्ला अदालत काठमाण्डौंको आदेश बदर गर्दै प्रसाईंलाई धरौटीमा रिहा गर्न आदेश दिएको छ ।
अदालतले २०८१ चैत १५ गते काठमाण्डौंको तीनकुनेमा पत्रकार सुरेश रजक र यातायात मजदुर सविन महर्जनको ज्यान जाने गरी भएको राजावादी प्रदर्शनका मुख्य नाइकेका रूपमा रहेका प्रसाईंलाई ३ लाख धरौटीमा छाड्न आदेश दिएको छ ।
प्रसाईंविरुद्ध जिल्ला प्रहरी परिसर काठमाण्डौंले जिल्ला सरकारी वकिलको कार्यालयमार्फत् राज्यविरुद्धको कसूरसहित विभिन्न ५ मुद्दा दायर गरेको थियो ।
