काठमाडौं । सुटकेसभित्र मृत भेटिएकी रुबी देवी साहको मृत्यु प्रकरणका अभियुक्तले आत्मदाहको प्रयास गरेका छन् ।
अभियुक्त भनिने लक्ष्मण पासवानले आफ्नै घरमा आत्मदाहको प्रयास गरेको प्रहरीले जनाएको छ । अहिले प्रहरी टोली घटनास्थल पुगेको छ ।
प्रहरीका अनुसार पासवानको शरीर ३० प्रतिशत जलेको छ । उनलाई उपचारका लागि गौर अस्पताल लैजान लागिएको जनाइएको छ ।
घटनाबारे थप अनुसन्धान भइरहेको प्रहरीले जनाएको छ ।
गत शनिबार गौर बजार जान भनेर डेराबाट निस्किएकी माधव नारायण नगरपालिका–६ माधोपुरकी ३० वर्षीया रुबीको शव सुटकेसमा प्याक गरेको अवस्थामा भेटिएको थियो ।
