काठमाडौं । राष्ट्रिय सभाका अध्यक्ष नारायणप्रसाद दाहालले पुस १२ गतेभित्र राष्ट्रिय सभा बैठक बोलाइने जनाएका छन्।
उनले सरकारसँग बैठक बोलाउने विषयमा असहमति नरहेको जनाउँदै पुस १२ भित्र बैठक बोलाउने जनाएका हुन् ।
संघीय संसदअन्तर्गतको समितिको बैठकमा बोल्दै अध्यक्ष दाहालले आवश्यक भौतिक पूर्वाधारको काम सकिनासाथ बैठक बोलाउने तयारी रहेको जनाए। तर उनले राष्ट्रिय सभामा छलफलका लागि पर्याप्त बिजनेस भने नभएको स्वीकार गरेका छन्।
हाल केही विधेयक र आयोगका प्रतिवेदनबाहेक अन्य एजेन्डा नदेखिएकाले बैठक सञ्चालन चुनौतीपूर्ण हुने उनको भनाइ छ।
