काठमाडौं । नेपाली कांग्रेसको केन्द्रीय कार्यसमितिको बैठक आज (मंगलबार) बस्दैछ । बैठक बिहान ११ बजे पार्टीको केन्द्रीय कार्यालय सानेपामा बस्नेछ ।
बैठकमा केन्द्रीय कार्यसमितिका पदाधिकारी, सदस्यहरू र ७ वटै प्रदेशका सभापतिहरूलाई सहभागी हुन आग्रह गरिएको छ ।
महामन्त्रीद्वय गगन थापा र विश्वप्रकाश शर्माको आह्वानमा भृकुटीमण्डपमा विशेष अधिवेशनको बन्दसत्र जारी रहेको अवस्थामा बैठक बोलाइएको हो ।
महामन्त्रीद्वय थापा र शर्माले बोलाएको विशेष महाधिवेशन जारी रहँदा पार्टी फुटको दिशातर्फ अगाडि बढिरहेको छ ।
