काठमाडौं । राष्ट्रिय स्वतन्त्र पार्टी (रास्वपा) का वरिष्ठ नेता बालेन साहको काठमाडौंको मण्डिखाटारस्थित घरमा चोरी भएको छ ।
बालेन र उनकी पत्नी सविना काफ्ले चुनावी अभियानका क्रममा बाहिर रहेको समयमा शुक्रबार साँझ घरमा चोरी भएको हो । घरमा भएका सुनका गरगहना, नगद रकम समेत चोरी भएको स्रोतले जनाएको छ ।
प्रहरीका अनुसार चोरहरूले घरमा जडान गरिएका २–३ वटा सिसीटिभी क्यामेरा, फुटेज रेकर्ड हुने डीभीआर मेसिन र बाथरुम तथा भान्साका धाराका टुटीहरू समेत चोरेर लगेको छ ।
उपत्यका अपराध अनुसन्धान कार्यालयका एसएसपी सन्तोष खड्काले घटनाको पुष्टि गरेका छन् । उनका अनुसार विशेष टोली बनाएर घटनाबारे अनुसन्धान भइरहेको छ ।
यसैबीच, बालेन यतिबेला चुनावी अभियानका क्रममा सुर्खेत पुगेका छन् भने काफ्ले उपत्यका बाहिर छिन् ।
