काठमाडौं । प्रतिनिधिसभा निर्वाचनमा प्रतिस्पर्धा गरिरहेका महिला उम्मेदवारमध्ये विदेशी नागरिकसँग विवाह गरेका व्यक्तिहरूको विवरण सार्वजनिक गर्न माग गर्दै सर्वोच्च अदालतमा रिट दायर भएको छ।
अधिवक्ता राजकुमार सुवालले निर्वाचन आयोगसँग आवश्यक अभिलेख उपलब्ध नभएको भन्दै कानुनी उपचारको बाटो बन्द भएको जिकिर गरेका छन्।
रिटमा सम्बन्धित उम्मेदवारको वैवाहिक विवरण, विवाह मिति तथा पति सम्बन्धी जानकारी सार्वजनिक गर्न अन्तरिम आदेश माग गरिएको छ।
विदेशी पुरुषसँग विवाह गरेका महिला उमेदवारको अभिलेख नरहेका कारण उनीहरूको अयोग्यताका सम्बन्धमा दाबी–विरोध र उजुरी गर्नबाट सर्वसाधारण वञ्चित हुने अवस्था रहेको रिटमा उल्लेख छ ।
रिटको पेशी बिहीवारका लागि तोकिएको छ ।
