काठमाडौं । अमेरिकाले विश्वभरका देशहरूलाई रूसी तेल खरिद गर्न ३० दिनको अस्थायी छुट दिएको छ । अमेरिका–इजरायल र इरानबीचको जारी युद्धले विश्वव्यापी तेल आपूर्तिलाई असर गरेपछि अमेरिकाले यस्तो निर्णय लिएको हो ।
अमेरिकी अर्थमन्त्री स्कट बेसेन्टका अनुसार यो अनुमति पहिले नै जहाजहरूमा लोड गरिएको र समुद्रमा अड्किएको रूसी तेलमा मात्र लागू हुन्छ ।
यस छुटअन्तर्गत देशहरूले सीमित मात्रामा रूसी तेल खरिद गर्न सक्नेछन् । अमेरिकाले यसले बजारमा तेल आपूर्ति बढाउने र मूल्य नियन्त्रण गर्न मद्दत गर्ने जनाएको छ ।
युद्धले गर्दा कच्चा तेलको मूल्य प्रतिब्यारेल १०० डलरभन्दा माथि पुगेको छ । यो अगस्ट २०२२ पछिको सबैभन्दा धेरै बढेको हो । युद्धले विश्वव्यापी तेल बजारमा चिन्ता बढाएको छ ।
