काठमाडौं । अमेरिकी राष्ट्रपति डोनाल्ड ट्रम्पले इरानलाई कडा चेतावनी दिएका छन् । उनका अनुसार ४८ घण्टाभित्र इरानले होर्मुजको जलडमरू पूर्ण रूपमा खोलेन भने अमेरिकाले इरानको पावर प्लान्टहरूमा आक्रमण गर्नेछ ।
“यदि इरानले ४८ घण्टाभित्र होर्मुजको जलडमरू खोलेन भने संयुक्त राज्य अमेरिकाले इरानको पावर प्लान्टहरूमा आक्रमण गर्नेछ र ध्वस्त पार्नेछ,” ट्रम्पले आइतबार सामाजिक सञ्जालमा लेखेका छन् ।
यसैबीच, इरानले चेतावनी दिएको छ कि यदि उसको पावर प्लान्टलाई लक्षित गरियो भने इरानले मध्यपूर्वमा अमेरिका र इजरायलसँग जोडिएका सबै ऊर्जा पूर्वाधारमा आक्रमण गर्नेछ ।
इरानको खातम अल अन्बिया केन्द्रीय कमाण्डका प्रवक्ता इब्राहिम जुल्फाघारीका अनुसार इरानले अमेरिका र इजरायलको डिसेलिनेशन प्लान्ट र आईटी पूर्वाधारमा पनि आक्रमण गर्नेछ ।
