काठमाडौं । सर्वोच्च अदालतले व्यवसायी दीपक भट्ट र सुलभ अग्रवाललाई रिहा गर्न अस्वीकार गरेको छ ।
आज सर्वोच्च अदालतका न्यायाधीशद्वय महेश शर्मा पौडेल र श्रीकान्त पौडेलको संयुक्त इजलासले दुवैजनाको बन्दी प्रत्यक्षीकरण रिट खारेज गरेको हो ।
अग्रवालको तर्फबाट उनका बुवा शंकरलाल अग्रवालले वैशाख ११ गते र भट्टको तर्फबाट उनकी पत्नी आयुष्मा नेपालले वैशाख १८ गते सर्वोच्चमा रिट दायर गरेका थिए।
यसअघि आज नै विशेष अदालतले दुवैजनालाई थप १२ दिन हिरासतमा राख्न अनुमति दिएको थियो । दुवैजना सम्पत्ति शुद्धीकरणको कसुरमा पक्राउ परेका हुन् ।
