काठमाडौं । फिलिपिन्समा बसेर नेपालका उच्च पदस्थलाई ज्यान मार्ने धम्की दिएको आरोपमा पक्राउ परेका प्रकाश पाठकलाई थुनामा पठाउन अदालतले आदेश दिएको छ ।
आज जिल्ला अदालत काठमाडौंका न्यायाधीश सुदर्शन लामिछानेको इजलासले उनलाई थुनामा पठाउन आदेश दिएको हो ।
उनीमाथि आपराधिक षड्यन्त्र, आपराधिक लाभ, हुण्डी, विद्युतीय कारोबारसम्बन्धी कसुर गरेको आरोप थियो । प्रहरीले उनलाई इन्टरपोलको सहयोगमा फिलिपिन्समा पक्राउ गरेर काठमाडौं ल्याएको थियो ।
उनले अख्तियार दुरुपयोग अनुसन्धान आयोगका प्रमुख आयुक्त प्रेमकुमार राईसहित १० उच्च पदस्थ व्यक्तिलाई धम्की दिएका थिए ।
