काठमाडौं । रुसी राष्ट्रपति भ्लादिमिर पुटिन दुई दिने भ्रमणका लागि मंगलबार राति चीन पुगेका छन् । उनलाई बेइजिङ विमानस्थलमा चिनियाँ विदेशमन्त्री वाङ यीले स्वागत गरे ।
भ्रमणको क्रममा पुटिनले चिनियाँ राष्ट्रपति सी जिनपिङलाई भेट्नेछन् ।
चीनको विदेश मन्त्रालयका अनुसार दुई नेताले दुई देशबीचको सम्बन्ध, व्यापार, रणनीतिक सहयोग र वर्तमान विश्वव्यापी परिस्थितिबारे छलफल गर्नेछन् । पुटिनले चिनियाँ प्रधानमन्त्रीसँग पनि भेट गर्ने जनाईएको छ ।
गत हप्ता अमेरिकी राष्ट्रपति डोनाल्ड ट्रम्पले बेइजिङको भ्रमण गरेका थिए ।
