काठमाण्डौ । बलिउड अभिनेता एवं चलचित्र निर्माता अरबाज खानले ५६ वर्षको उमेरमा दोस्रो बिहे गरेका छन्।
अरबाजले प्रेमिका मेकअप आर्टिस्ट शुरा खानसँग आइतबार विवाह गरेका हुन्। आइतबार साँझ अरबाजकी बहिनी अर्पिता खानको घरमा उनीहरूको बिहे भएको हो।
विवाहको तस्बिर सामाजिक सञ्जालमा सेयर गर्दै अरबाजले लेखेका छन्, ‘हाम्रा आफन्तको उपस्थितिमा हामीले अनन्त प्रेम र एकताको सुरुवात गरेका छौँ। हाम्रो यो विशेष दिनमा तपाईंहरूको आशीर्वाद र शुभकामना आवश्यक छ।’
यसअघि अरबाजले अभिनेत्री तथा मोडल मलाइका अरोरासँग विवाह गरेका थिए। उनीहरूबीच ६ वर्षअघि डिभोर्स भएको थियो।
विवाह समारोहमा अरबाज र मलाइकाका छोरा अरहान खान पनि सहभागी भएका थिए। अरहान आमासँग बस्छन्।
