काठमाडौं । भारतीय प्रधानमन्त्री नरेन्द्र मोदी नेपाल भ्रमणमा आउने भएका छन ।
मोदीको नेपाल भ्रमणबारे सरकारी तहमा गोप्य तयारी चलिरहेको जनाईएको छ । मोदी यही फेब्रुअरीको अन्तिम साता वा मार्च महिनाको पहिलो सातासम्म नेपाल भ्रमणमा आउने सम्भावना रहेको जनाईएको छ ।
मोदीको भ्रमणलाई लक्षित गर्दै भारतीय सुरक्षाकर्मीको एक टोली नेपाल आएर फर्किएकोसमेत जनाईएको छ । भारतबाट सुरक्षा निकायको दुई दर्जनको टोली काठमाडौं आएर रेकी गरेर बिहीबार साँझ दिल्ली फर्केको हो ।
यसपटकको मोदीको भ्रमण राजनीतिकभन्दा पनि धार्मिक हुने जनाईएको छ । उनी भारतमा लोकसभाको चुनाव हुनुभन्दा पहिला पशुपनिनाथको दर्शन गर्न नेपाल आउन लागेका हुन ।
भारतमा आगामी मे मा लोकसभाको निर्वाचन हुँदैछ ।
