काठमाडौं । नेकपा माओवादी केन्द्रको संसदीय दलको बैठक बस्दै छ। आज बस्ने बैठकका लागि शनिबार नै सूचना जारी गरिएको थियो।
सोमबार बिहान साढे ८ बजे संसदीय दलको बैठक आह्वान भएको माओवादी केन्द्रका सांसद पूर्णबहादुर घर्तीले जानकारी दिए।
‘संसद्को हिउँदे अधिवेशनमा प्रस्तुत हुने विषयहरुका सम्बन्धमा दलको बैठक बस्न लागेको हो,’ नेता घर्तीले भने।
आजदेखि संघीय संसदको हिउँदे अधिवेशन सुरु हुँदैछ। सरकारले मन्त्रिपरिषद्बाट अधिवेशन आह्वानका लागि राष्ट्रपतिसमक्ष सिफारिस गर्ने निर्णय गरेको थियो।
