काठमाडौं । आईसीसी क्रिकेट विश्वकप लिग–२ अन्तर्गत त्रिदेशीय शृंखलाको तेस्रो खेलमा नेपालले नामिबियाविरुद्ध पहिले ब्याटिङ गर्ने भएको छ । बुधबार कीर्तिपूरस्थित त्रिवि क्रिकेट मैदानमा हुने खेलका लागि भएको टस जितेर नामिबियाका कप्तान गेरहार्ड इरास्मसले फिल्डिङको निर्णय गर्दै नेपाललाई ब्याटिङको निम्तो दिए ।
नामिबियाविरुद्ध नेपालले टिममा एक परिवर्तन गरेको छ । नेपालका मुख्य प्रशिक्षक मोन्टी देसाईले आजको खेलमा गुल्सन झालाई बेन्चमा राख्दै करण केसीलाई मौका दिएका छन् । यसअघि करणले नेदरल्यान्ड्सविरुद्ध प्लेइङ्ग–११ मा स्थान बनाउन सकेका थिएनन् ।
