काठमाडौं । नेकपा (एमाले) कैलालीको अध्यक्षमा यज्ञराज ढुंगाना विजयी भएका छन ।
ढुंगाना दुई सय ८७ मतसहित विजयी भएका हुन । उनका प्रतिस्पर्धीहरु डेजी पाण्डेले दुई सय १८ मत र दुर्गाप्रसाद जोशीले ६३ मत पाएका थिए ।
यस्तै उपाध्यक्षमा लोकेन्द्रबहादुर शाही एक सय ९३ मतसहित विजयी हुँदा उनका प्रतिस्पर्धी दलबहादुर विष्टले एक सय ८८ मत ल्याएका थिए । उपाध्यक्षका अर्का उम्मेदवार विष्णु चौधरीले एक सय ६ मत, गजेन्द्रबहादुर स्वारले २७ मत पाएका थिए ।
सचिवमा ममताप्रसाद चौधरी विजयी भएका छन । चौधरी दुई सय ४३ मतसहित विजयी हुँदा उनका प्रतिस्पर्धी विष्णुकुमार चन्दले एक सय ६८ मत र दानबहादुर विश्वकर्माले एक सय ४७ मत प्राप्त गरे ।
उपसचिव (खुला) मा चुडामणी भट्ट विजयी भएका छन । उनी दुई सय ५१ मत पाएर विजयी हुँदा उनका प्रतिस्पर्धीहरु भुवन रिजालले एक सय २३ मत, नृप थ्यायत खड्काले ९५ र राजु गुरूङले ७१ मत पाएका थिए ।
उपसचिव (महिला) मा गंगा चौधरी एक सय ९६ मतसहित विजयी भईन ।उनको प्रतिस्पर्धीहरु शान्तिदेवी सिंहले एक सय ६१, रत्ना कुँवर जोशीले ९४ र अम्बिका विष्टले ९० मत पाएका थिए ।
