काठमाडौं । जनता समाजवादी पार्टी (जसपा) ले एक राज्यमन्त्रीसहित तीन मन्त्री सरकारमा पठाउने भएको छ ।
बिहीबार साँझ बसेको जसपाको केन्द्रीय कार्यकारिणी समितिको बैठकले मन्त्रीको नाम टुंग्याएको प्रचार विभाग प्रमुख पूर्ण बस्नेतले जानकारी दिए ।
उनका अनुसार पार्टी अध्यक्ष उपेन्द्र यादवले उपप्रधान तथा स्वास्थ्यमन्त्रीको जिम्मेवारी पाएका छन् ।
नवलकिशोर साह वन तथा वातावरणमन्त्री र दीपक कार्की स्वास्थ्य राज्यमन्त्री बनेका छन् ।
