काठमाडौं । डाक्टर प्रतिभा धौभडेल मृत फेला परेकी छिन ।
जिल्ला अस्पताल धादिङमा कार्यरत ३४ वर्षीया धौभडेल काठमाडौं महानगरपालिका–१३ छाउनीस्थित आफ्नै घरको बाथरुममा मृत फेला परेकी हुन ।
उनी केही दिनअघि घर बिदामा काठमाडौं आएकी थिईन । सलले पासो लगाएर झुण्डेको अवस्थामा देखेपछि उनका पतिले उनलाई वीरेन्द्र सैनिक अस्पतालमा लगेका थिए ।
अस्पतालका चिकित्सकले उनलाई मृत घोषणा गरेको प्रहरीले जानकारी दिएको छ ।
धौभडेलले चितवनको कलेज अफ मेडिकल साइन्सेसबाट एमबीबीएस गरेकी थिईन ।
