काठमाडौं । सहकारी ठगी प्रकरण छानबिनका लागि संसदीय छानबिन समितिको कार्यादेश तयार गर्न बसेको कार्यदलको बैठक सकिएको छ ।
शनिबार सिंहदरबारस्थित कानून मन्त्रालयमा सम्पन्न बैठक सहमति नजिक पुगेपनि निष्कर्षमा भने नपुगेको कार्यदलका संयोजक कानूनमन्त्री पदम गिरीले जानकारी दिए ।
उनले व्यक्तिको नाम उल्लेख नगरी समस्याग्रस्त रहेका सहकारीको नाम उल्लेख गर्ने र ऋण लिएका कम्पनीको नामसमेत उल्लेख गरेर छानबिन समिति गठन गर्ने विषयमा करिब सहमति भएको जानकारी दिए ।
अब कार्यदलमा भएको छलफललाई आजै बालुवाटारमा बस्ने शीर्ष नेताहरुसहितको बैठकमा प्रस्तुत गर्ने मन्त्री गिरीले जनाए ।
कानूनमन्त्री पदम गिरी संयोजक रहेको कार्यदलमा एमालेका प्रमुख सचेतक महेश बर्तौला, नेपाली कांग्रेसका सहमहामन्त्री जीवन परियार र राष्ट्रिय स्वतन्त्र पार्टीका सांसद शिशिर खनाल सदस्य रहेका छन ।
